Khust

Khust
Хуст
by
Rådhuset i Khust
Land	Ukraina
Oblast	Zakarpattja oblast
høgd	164 moh
koordinatar	48°10′53″N 23°17′52″E
Areal	22 km²
Folketal	28 438 (2011)
Tettleik	1 293 / km²
Grunnlagd	1090
- Innlemma	1329
- Bystatus	1946
borgarmeister	Mykhailo Djanda
Tidssone	CET (UTC+1)
- Sommartid	CEST (UTC+2)
Postnummer	90400
Retningsnummer	+380-3142
Nettstad: Khust byportal

Khust (ukrainsk og russisk Хуст, rumensk Hust, ungarsk Huszt, tsjekkisk og slovakisk Chust, jiddisk חוסט) er ein by ved elva Khustets i Zakarpattja oblast (provins) vest i Ukraina. Han ligg nær samløpet mellom elvane Tisza og Rika. Han er det administrative senteret i Khust rajon (distrikt), medan sjølve byen har status som eit eige rajon i oblastet. Byen har kring 30 000 innbyggjarar.

Khust var hovudstad i den kortvarige repubilikken Karpato-Ukraina.

Historie

Busetnaden vart først nemnd som Huszth i 1329. Borga vart bygd i 1090 av St. Ladislaus som forsvar mot kumanane. Ho vart øydelagt under mongolinvasjonen av Ungarn og bygd opp att i 1318. Byen fekk sine eigne privilegium i 1329. I 1524 vart området ein del av Transilvania. Armeen til Ferdinand I erobra byen i 1546. I 1594 vart byen øydelagd av tatarane, men borga stod framleis. Borga vart kringsett i 1644 av armeen George I Rákóczi i 1657 av den polske, i 1661-1662 av dei osmanske tatarar hordane.

I 1703 vart sjølvstendet til Transilvania erklært her. Det var den siste borga habsburgarane okkuperte då dei slo attende i 1711. Borga vart alvorleg skadd under eit lynnedslag og ein brann 3. juli 1766 og eit uvêr tok ned tårnet i 1798 og har lege i ruinar sidan den gong. Huszt fekk namnet Csebreny i 1882 under madjariseringa. Etter første verdskrigen tok Romania over området sommaren 1919., men i følgje St. Germain-traktaten fekk Tsjekkoslovakia byen som ein del av den nye regionen Podkarpatsko (Under Karpatane). Tsjekkoslovakia måtte gje regionen stort sjølvstende, men dette vart ikkje realisert før i 1938. Dagen etter at Tsjekkoslovakiaia kollapsa den 14. mars 1939, erklærte styret i regionen sjølvstende i Khust, men dette vart ikkje anerkjend av andre statar. Ungarske soldatar rykka inn 16. mars og 24. oktober 1944 okkuperte sovjetiske soldatar byen, som då vart innlemma i Sovjetunionen. Sovjetarane sendte bort dei fleste tyske og ungarske innbyggjarane. Sidan den gong har Khust vore ein del av Ukraina.

Kjelder

• Denne artikkelen bygger på «Khust» frå Wikipedia på engelsk, den 1. oktober 2012.
  • Wikipedia på engelsk oppgav desse kjeldene:

Bakgrunnsstoff

• All about Khust City - inkludert bilete av byen og borga