Kongsberg kommune

Kongsberg kommune
Komm.nr.	0604
Fylke	Buskerud
Adm.senter	Kongsberg
Areal	792 km²
Folketal	25 471 (1. jan 2012)
Politikk
Ordførar (2003-)	Vidar Lande (Ap)
Målform	Bokmål
Nettstad	www.kongsberg.kommune.no
Folketalsutvikling 1951-2010
Kongsberg kommune på Commons

Kongsberg er ein bykommune i Buskerud. Byen ligg langs Numedalslågen nedst i Numedal, og er ein gammal bergstad. Kommunen grensar i nord til Flesberg, i aust mot Øvre Eiker og Hof, i sør mot Skien, Siljan og Lardal, og i vest mot Notodden og Sauherad kommunar. Kongsberg er den kommunen i Buskerud som ligg lengst mot sør.

Venskapsbyar

Køge Esbo Skagafjörður Chitose

Gouda Karlstad Red Wing

Flatevidd og folkesetnad

I 1964 vart Kongsberg, Øvre Sandsvær, Ytre Sandsvær, Jondalen i Flesberg og Øvre Jondalen i Gransherad slege saman til den nye Kongsberg kommune. Kommunen har ei flatevidd på 792,0 km², og hadde den 1. januar 2004 23 154 innbyggjarar. Dei fleste av innbyggjarane bur i tilknytting til bykjerna, eller i områda kring. Heistadmoen, Skollenborg, Saggrenda, Hvittingfoss og Passebekk er døme på stadnamn i området kring.

Historie

Kong Kristian IV grunnla byen Konningsberg og eit kongeleg sølvverk i 1624 etter at ein hadde funne sølv der. Det var visstnok barna Jacob Grosvold og Helga Værp som oppdaga sølvet ein sommardag dei var ute og geita eit år tidlegare. Til Kongsberg Sølvverk henta kongen tyskarar frå sølvgruvene i Sachsen og Harz. I tillegg kom det tyskarar frå andre gruver i Noreg.

Folketalet voks raskt, og Kongsberg var på eitt tidspunkt den nest største byen i Noreg etter Bergen. Innbyggjartalet både auka og minka i takt med ned- og oppgangstider i sølvverket.

Kongsberg hadde den første høgskulen i Noreg, som òg var den første i Europa innan bergverk. I dag har byen ein høgskule i tillegg til videregående skular og grunnskular.

Kultur

Sene på Kirketorget under jazzfestivalen sumaren 2006

Kongsberg har mange festivalar, som til dømes Glogerfestspela, Kongsberg Jazzfestival har vore arrangert kvart år frå 1964. Musikkhuset EnergiMølla er Kongsberg si musikk- og kultur-scene. Her arrangerer fleire av kulturforeningane i byen førestillinger året rundt.

Utdanningsinstitusjonar

• Høgskolen i Buskerud

Verd å vitja

Museum

• Norsk Bergverksmuseum
• Lågdalsmuseet
• Kongsberg kyrkje

Kultur

• Kongsberg Jazzfestival.
• Kongsberg Våpenfabrikk sitt museum
• Kongsberg Skimeseum

Bakgrunnsstoff

• Kongsbergnett
• Lokalavisa Laagendalsposten
• Norsk Bergverksmuseum
• Kultur i Kongsberg kommune på kart frå Kulturnett.no