Krishnaelva

Frå Wikipedia – det frie oppslagsverket
Gå til: navigering, søk
Krishna
Marathi कृष्णा नदी

Kannada ಕೃಷ್ಣಾ ನದಿ
Telugu కృష్ణా నద

Elv
none
Land Flag of India.svg India
Statar Maharashtra, Karnataka, Andhra Pradesh
Region Sør-India
Byar Talakaveri, Kushalnagar, Srirangapatna, Bhavani, Erode, Namakkal, Tiruchirapalli, Kumbakonam, Mayavaram, Poompuhar
Kjelde Mahabaleswar
Munning Vijayawada i Bengalbukta
Lengd 765 km
Kart over dei største elvane i Sør-India.
Kart over dei største elvane i Sør-India.

Krishna eller Krishnaveni, tidlegare Kistna, er ei av dei lengste elvane i India. Med ei lengd på rundt 1300 km er ho den tredje lengste elva i India, etter Ganges og Godavari. Krishna har utspring ved Mahabaleswar i Dei vestlege Ghatfjella i Maharashtra. Ho renn aust til Wai, så søraustover gjennom Sangli, aust gjennom Karnataka til Andhra Pradesh og munnar ut i Bengalbukta ved Hamasaladeevi i Andhra Pradesh.[1]

Tradisjonell rund båt (putti på Krishnaelva ved Srisailam.

Krishna er ei av fleire heilage elvar i India, og å bada her skal reinsa ein frå synd. Namnet «Krishna» tyder 'mørk' (som i gudenamnet Krishna). Tradisjonelt blir det hevda at elva har utspring gjennom munnen til ein kustatue i Mahadev-tempelet i Mahabaleshwar. Ho skal vera ein inkarnasjon av hinduguden Visjnu etter ei forbanning av Savitri. Dei andre gudane i trimurtien, Brahma og Sjiva, skal danna bielvane. Området ved Sangli, der tre elvar renn saman med Krishna, er særskild heilag og er også kjend som Sangameshwar.[2]

Krishna har ei rekkje bielvar, dei største er Bhimaelva frå nord og Tungabhadra frå sør.[3] Elva er demd opp to stader: Ved Srisailam med Srisailam-demningen, og ved Nagarjuna-åsen med Nagarjuna Sagar-demningen. Elva blir forureina gjennom avløp og bielvar som renn forbi større byar og industriverksemder.[4]

Satellittbilde av munningen til Krishnaelva.

Mot slutten av løpet sitt dannar Krishna eit rikt og fruktbnart elvedelta som går i eitt med deltaet til Godavari. Deltaet renn ut i Bengalbukta ved Vijayawada. Det veks mangroveskog ved munningen, med fleire fastbuande og trekkkfuglar og dyr som fiskarkatt, oter, hjorteantilope, aksishjort, sambar og saltvasskrokodille.[5] Ein del av skogen er verna som Krishna naturreservat.[2]

Elva er ikkje farbar. Vasstanden varierer mykje med monsunregn og tørke,[6] og er derfor vanskeleg å bruka til kunstig vatning.[3] Under monsuntida fører elva med seg mykje matjord frå tidlegare i løpet og avset det i deltaet.[2]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Krishnaelva

Kjelder[endre | endre wikiteksten]

  1. Rivers of India, nih.ernet.in
  2. 2,0 2,1 2,2 Krishna River, Indian River, indianetzone.com
  3. 3,0 3,1 Krishna River, britannica.com
  4. River Krishna, rainwaterharvesting.org
  5. «Krishna River», ecoindia.com
  6. Water level in Krishna river rises, no flood threat issued in Karnataka, ndtv.com (June 20, 2013)