Kristin Kajander
| Kristin Kajander | |
| Statsborgarskap | Noreg |
| Fødd | 28. februar 1959 (65 år) |
| Yrke | skodespelar, filmskodespelar |
Kristin Kajander (fødd 28. februar 1959) er ein norsk skodespelar. Ho har hatt ei rekkje roller ved ulike teater, i tillegg til at ho har hatt roller i både film og fjernsyn.
Ho er utdanna ved Statens Teaterhøgskole (1984). Frå 1986 til 1991 var ho tilsett ved Den Nationale Scene i Bergen. Der spela ho mellom anna hovudrolla i det omdiskuterte Norvald Tveit-stykket I Satans vald, Nina i Måken av Anton Tsjekhov og Rebekka West i Rosmersholm av Ibsen. Vidare arbeidde ho frå 1992 til 1993 ved Nationaltheatret, og spela mellom anna i fleire Ibsen-stykke, som Eline i Fru Inger til Østråt, Regine i Gengangere og Anitra i Peer Gynt. Sommaren 1994 var ho med på den store framsyninga Bibel ’94 i Helsingfors, om kvinnene i Bibelen. Sidan då har ho arbeidd frilans ved ulike teater. I tillegg har ho vore med som skodespelar og songar på to bestillingsverk av Lars Saabye Christensen og Ole Henrik Giørtz for Jazzfestivalen i Molde.
Filmgjennombrotet hennar kom med hovudrolla i Sølve Skagen-suksessen Hard asfalt (1986). Ho hadde også hovudrolla i Brun Bitter (1987), og har elles spela i filmar som Ballen i øyet (2000) og Jeg er Dina (2002).
Filmografi[endre | endre wikiteksten]
| År | Tittel | Rolle |
|---|---|---|
| 1986 | Hard asfalt | Ida |
| 1988 | Brun bitter | Vigdis Wang |
| 1996 | Gåten Knut Hamsun | Husvertinne |
| 1999 | Evas øye | Jorun Einarsson |
| 2000 | Ballen i øyet | Dagfrid |
| 2002 | Jeg er Dina | Tela |
| 2002 | Anolit (kortfilm) | Mor |
| 2003 | Mors lille Ole (kortfilm) | Gunn |
Fjernsynsroller[endre | endre wikiteksten]
| År | Tittel | Rolle |
|---|---|---|
| 1996 | Gåten Knut Hamsun | Husvertinne |
| 1997 | Mot i brøstet | Politidame |
| 1998 | Blodsbånd | ? |
| 2001 | Fox Grønland | Lotte Hansen |
| 2001 | Nini | Inger, mor til Christaia |
| 2002 | Tiden før Tim | Mor til Marte |
| 2002 | Holms | Veninna til Eva |
| 2006 | Johnny og Johanna | Randi |
| 2010 | Koselig med peis | Liv |
Kjelder[endre | endre wikiteksten]
- «Kajander, Kristin[daud lenkje]» ved Rogaland Teater, innhenta 27. januar 2010.
- «Kristin Kajander» av Trond Olav Svendsen hjå Store norske leksikon, innhenta 27. januar 2010.
- «Kristin Kajander» på IMDb.com, innhenta 27. januar 2010.
- «Kristin Kajander» på Filmfront.no, innhenta 27. januar 2010.