Longyan

Longyan (gul) i Fujian

Longyan (kinesisk skrift 龙岩, pinyin Lóngyán) er eit byprefektur sørvest i provinsen Fujian i Folkerepublikken Kina. Byprefekturet har eit areal på 19 028 km² og 2 559 545 innbyggjarar i 2010. Longyan grensar mot provinsane Jiangxi i vest og Guangdong i sør.

Byprefekturet Longyan omfattar eitt distrikt (区 qū), eitt byfylke (市 shì) og fem fylke (县 xiàn).

Næring

Longyan er rik på naturressursar, med store skogar og svære førekomstar av ulike mineral.

Samferdsle

Kinas riksveg 319 fører gjennom byprefekturet. Riksvegen tek til i Xiamen og går nordvestover gjennom provinsane Fujian, Jiangxi, Hunan og Chongqing, til han endar opp i Chengdu, hovudstaden i provinsen Sichuan.

Historie

I 736 etablerte Tang-dynastiet prefekturet Tingzhou i det vestlege Fujian (eller «Minxi» (闽西); prefekturet administrerte fylka Changting, Huanglian og Xinluo. Seks år etter fekk Xinluo namnet Longyan etter ei spektakulær grotte i området.

Mange han-kinesarar flytta sørover frå nord på den sentrakinesiske sletta, der det jamt var stridar mellom kinesarar og inntrengar frå nord. Ei stor gruppe av desse, hakkaene, drog til Longyan. Byen Changting vert ofte omtala som hakkaene sin heim, og elva Tingjiang som «moderelva» til hakkafolket.

Minxi var eit strategisk baseområde under den kinesiske borgarkrigen.

Kjelder

• Denne artikkelen bygger på «Longyan» frå Wikipedia på bokmål, den 2. mai 2012.
• Denne artikkelen bygger på «Longyan» frå Wikipedia på engelsk, den 2. mai 2012.