Chongqing

重庆 Chóngqìng
Andre namn	trad. kinesisk: 重慶, pinyin: Chóngqìng, Wade-Giles: Ch'úng-ch'ìng; Chungking
Utsyn over Chongqing. Utsyn over Chongqing.
Styresmakter
Land	Folkerepublikken Kina
Grunnlagt	316 f.Kr.
Geografi
Flatevidd	82 403 km²
Flatevidd  - By	82 300 km²
Innbyggjarar  - By (2007)    - folketettleik	31 442 300   382/km²
Koordinatar	29°33′30″N 106°34′00″E
Høgd over havet	435 m
Tidssone	UTC + 8 (UTC+8)
Diverse anna
Postnummer	4000 00 - 4099 00
Telefon-retningsnummer	23
Bilnummer	A, B, C, F, G, H
Heimeside: http://www.cq.gov.cn/
Nettstad: www.cq.gov.cn
Plassering
Plassering av Chongqing

Chongqing er ein byprovins og ein av dei største byane i Folkerepublikken Kina. Lik Beijing, Shanghai og Tianjin er han direkte underlagt landsstyresmaktene. Inntil 1997 vart Chongqing del av provinsen Sichuan.

Historie

Frå november 1937 til mai 1946 var Chongqing midlertidig hovudstad i Republikken Kina. Chongqing vart skilt ut frå Sichuan i 1997, og vart då direkte underlagt landsstyresmaktene.

Geografi

Provinsen Chongqing grensar til Sichuan i vest, Shaanxi i nord, Hunan og Hubei i aust og Guizhou og Yunnan i sør. Han omfattar store delar av det viktige jordbruksområdet Sichuanbassenget, som Chang Jiang renn gjennom. Grunna mykje tåke om hausten har byen fått tilnamnet Tåkehovudstaden.

Innbyggjarar

Heile provinsen hadde over 31 millionar innbyggjarar i 2007, men sjølve byen Chongqing hadde 6 609 000 i år 2000. Av provinsinnbyggjarane er 94 % han-kinesarar. 1, 75 millionar høyrer til minoritetsfolk. Dei største av minoritetstgruppene i Chongqing er tujiaar (1,13 mill.) og miaoar (ca. 520 000).

Næringsliv

Byen har eiga hamn ved Chang Jiang, og det er mykje industri og handel i byen. Dei største industrigreinene består av bil- og motorsykkelfabrikkar, båtbyggjerier, kjemisk og petrokjemisk industri, naturgassutvinning, medisinproduksjon, og avansert jern- og stålproduksjon.

På Sichuanbassenget dyrkar ein svært mykje korn, og ris særleg langs elvane. Ein dyrkar òg appelsinar, mandarinar, tobakk og silkeormkokongar (det siste for silkeproduksjon).

Kommunikasjon

Kommunikasjonen frå Chongqing er god. Det går fleire jarnbanar frå byen, og vegnettverket er godt utbygt. Ein kan fly til alle større byar i Kina frå Chongqing, og elvetransport er mogleg i 400 mil.

Kultur og utdanning

I Chongqing finst eit universitet frå 1929, ymse høgskular, bibliotek og museum.

I Chongqing sitt Dazu-distrikt finst ei rekkje grotter med steinskulpturar frå 800 - 1200-talet som står på UNESCO si verdsarvliste.

Styresmakter

Leiaren for Chongqing sitt lag i Kinas kommunistparti er Chen Min'er, og borgarmeisteren er Tang Liangzhi (2019).

Kjelder

«Chongqing» i Store norske leksikon, snl.no. av Cato Næverdal.

Bakgrunnsstoff

• Offisiell nettstad

Commons har multimedium som gjeld: Chongqing