Mads Eriksen

Frå Wikipedia – det frie oppslagsverket
Gå til: navigering, søk
Mads Eriksen, oktober 2008.
Foto: Martin Bekkelund
Denne artikkelen er om teikneserieskaparen, for gitaristen Mads Eriksen, sjå Musikaren Mads Eriksen.

Mads Eriksen (fødd 15. juli 1977) er ein norsk teikeserieskapar frå Malvik, like aust for Trondheim i Sør-Trøndelag. Han er kjend for teikneseriane Gnom og M. Mads er medlem av Trondheimstegnerne.

Han teikna dei fyrste to sidene av Gnom i 2000 og sende dei inn til Bladkompaniet, der han fekk god respons. Idéen til serien kom då han filosoferte over kvar sokk nummer to vert av i vaskemaskina.

Gnom vart trykt i Smult, medan M vart ei av dei faste stripene i Dagbladet etter at Mads vann ein teikneseriekonkurranse der hausten 2003.[1] M figurerer dessutan fast i Pondus. I mai 2005 gav Schibstedforlagene ut det fyrste M-albumet. I juni 2006 tok M over Blondie sin plass i Adresseavisen. I desember 2006 starta M å kome ut som eige månadshefte.[2]

Eriksen teiknar i dag serien M på heiltid. Serien handlar om hans eige lett surrealistiske liv, med nokre overnaturlege innslag. Serien er krydra med obskure, «nerdete» referansar, og Star Wars spelar ofte ei hovudrolle i desse.

Eriksen slutta å levere teikneseriestriper sommaren 2008. Leveringspress i forhold til forlaget og sjukdom vart oppgjeve som grunnar til dette. I eit intervju med Dagens Næringsliv i september 2009 fortalte han at han var i gang med å teikne nye striper.[3]

Utgjevingar[endre | endre wikiteksten]

  • Gnom, samlealbum, Schibstedforlagene «Humoralbum 2/2005»
  • M, fyrste album, utgjeve sommaren 2005, Schibstedforlagene «Humoralbum 4/2005»
  • M, andre album, utgjeve 2005-10-17, Schibstedforlagene «Superalbum høsten 2005»
  • M, julehefte, utgjeve 2005-11-21, Schibstedforlagene «Humoralbum 7/2005»
  • M: Superalbum, utgjeve 2006-07-31, Schibstedforlagene
  • M julealbum 2006, utgjeve 2006-11-27, Schibstedforlagene
  • M, månadshefte, første utgåve nr 1, 2006, i desember, Schibstedforlagene

Bakgrunnsstoff[endre | endre wikiteksten]

Nettmøte[endre | endre wikiteksten]

Intervju[endre | endre wikiteksten]

Omtalar[endre | endre wikiteksten]

Referansar[endre | endre wikiteksten]

  1. Mads Eriksen skviser Hårek intervju på tegneserier.no
  2. Omtale av bladet hjå Schibstedforlagene
  3. Holen, Øyvind (11 September 2009), Innhentet av deadline, s. 44–6