Nelson Haedo Valdez

Nelson Haedo Valdez

Personleg informasjon
Namn	Nelson Antonio Haedo Valdez
Fødselsdato	28. november 1983
Fødestad	Caaguazú i Paraguay
Høgd	178 cm
Posisjon	Spiss
Klubbinformasjon
Spelar for	Rubin Kazan
Draktnummer	18
Klubbar*
År	Klubb	Kampar (mål)
2000-01 2001-06 2006-10 2010-11 2011-	Tembetary Werder Bremen Borussia Dortmund Hércules Rubin Kazan	22 (11) 113 (31) 113 (16) 25 (8) 1 (0)
Landslag**
2004-	Paraguay	54 (12)
* Klubbkampar og mål i nasjonal liga   er sist oppdatert 10. september 2011. ** Landskampar og mål er sist oppdatert 25. juli 2011.

Nelson Antonio Haedo Valdez (fødd 28. november 1983 i Caaguazú) er ein paraguayansk fotballspelar som spelar i angrep for Paraguay sitt landslag og for Hércules i spansk Primera Division. Det første etternamnet hans er eigentleg Haedo, men i Tyskland var han betre kjent under etternamnet Valdez.

Haedo Valdez voks opp i ringe kår i Paraguay. Han har fortald til tysk presse at då han spelte for Atlético Tembetary i paraguayansk andredivisjon, var han heimlaus og sov under tribunen. Han drog til Europa og Werder Bremen i Tyskland som 18-åring. Han vart fast i A-stallen frå 2003/04-sesongen, men 1. juli 2006 skifta han klubb til Borussia Dortmund, for å få meir speletid. I april 2008 vart han skildra av tyske presse som ein flopp, men i 2008/09-sesongen presterte han betre for Dortmund, og i april 2009 vart kontrakten hans med klubben forlenga til 2012. Før 2010/11-sesongen vart han selt til Hércules i Spania for om lag 3,5 millionar euro.

Haedo Valdez debuterte for Paraguay sitt A-landslag i 2004. Han spelte alle Paraguay sine tre kampar i fotball-VM i 2006, utan å skåra mål. 9. september 2009 skåra han det einaste målet då Paraguay slo Argentina i kampen som gjorde at Paraguay kvalifiserte seg til fotball-VM i 2010.