Nord-Innherad prosti

Steinkjer kyrkje frå 1965 er den nyaste kyrkja i prostiet.

Foto: kirkenorge.no

Sakshaug gamle kyrkje frå 1184 er ei av dei to 1100-talskyrkjene i prostiet. Ho er eigd av Fortidsminneforeninga.

Foto: Morten Dreier

Mære kyrkje er frå siste halvdelen av 1100-talet.

Foto: Morten Dreier

Nord-Innherad prosti var eit tenestedistrikt i Nidaros bispedømme i Den norske kyrkja. Prosten hadde sete i Steinkjer kor Steinkjer kyrkje var prostikyrkje. 1. januar 2019 vart prostiet slått saman med Sør-Innherad prosti til det nye Stiklestad prosti.

Prostiet er inndelt i sokn. Soknet er grunneininga i Den norske Kyrkja. Dei som arbeider i kyrkja er anten tilsette av soknet gjennom kyrkjeleg fellesråd, eller dei er tilsette i prostiet. Dei fleste prestane er tilsette i prostiet, og har tenesta si knytt til eit eller fleire sokn.

Fram til 2004 var prestetenesta lokalt organisert i prestegjeld.

Sokn i Nord-Innherad prosti

• Steinkjer (tidlegare prestegjeld) med
  • Steinkjer sokn
  • Egge sokn

• Sparbu (tidlegare prestegjeld) med
  • Mære sokn
  • Henning sokn
  • Ogndal sokn

• Stod (tidlegare prestegjeld) med
  • Stod sokn
  • Kvam sokn
  • Føling sokn

• Beitstad (tidlegare prestegjeld) med
  • Beitstad sokn
  • Namdalseid sokn

• Snåsa (tidlegare prestegjeld) med
  • Snåsa sokn

• Inderøy (tidlegare prestegjeld) med
  • Inderøy sokn
  • Røra sokn
  • Sandvollan sokn
  • Mosvik sokn

• Verran (tidlegare prestegjeld) med
  • Verran sokn
  • Malm sokn

Sjå òg

• Kyrkjer i Noreg etter kommune
• Kyrkjer i Noreg etter prosti

Bakgrunnsstoff

• Nettsida til Den norske kyrkja