Nordkapp

Frå Wikipedia – det frie oppslagsverket
Gå til: navigering, søk

Koordinatar: 71°10′21″N 25°47′40″E

Nordkappklippa

Nordkapp (nordsamisk: Davvenjárga) er ei klippe på Magerøya i Finnmark fylke i Noreg, i Nordkapp kommune. Den 307 m høge, bratte klippa er ofte omtala som det nordlegaste punktet i Europa, men Knivskjelodden like ved når om lag 1380 m lenger nord.

Begge desse stadene ligg på øya Magerøya, noko som gjer at det nordlegaste punktet i fastlandseuropa er Kinnarodden. Magerøya fekk fastlandssamband 15. juni 1999.

Nordkapp, Knivskjelodden, Kinnarodden

På norsk heitte klippa opphavleg Knyskanes, men fekk namnet Nordkapp av den engelske utforskaren Richard Chancellor i 1553 då han passerte ho på leiting etter Nordaustpassasjen. Etter det blei ho sporadisk besøkt av våghalsar som tok seg opp det bratte terrenget. Mellom desse var kong Oskar II i 1873 og kong Rama V av Thailand i 1907.

I dag er Nordkapp eit stort turistmål med eit eige turistsenter med utstillingar og film frå historia til staden. Platået blir årleg vitja av over 200 000 turistar.