Romsonden Phoenix
Frå Wikipedia – det frie oppslagsverket
- For andre tydingar av ordet Phoenix, sjå Phoenix (fleirtyding).
Phoenix var ein romsonde og del av NASA sitt Mars Scout-program. Han vart skoten opp den 4. august 2007, og landinga nær polområdet i Vastitas Borealis på Mars vart bekrefta velluka den 26. mai 2008. [1]. Siste signal frå Phoenix blei motteke 2. november 2008, og åtte dagar seinare, 10. november, blei sonden erklært tapt av NASA.[2] Då hadde sonden vore operativ på Mars i meir enn fem månader.[2]
Landinga til Phoenix er den sjette vellukka landinga på Mars og var den første marssonden som nytta motorisert nedstigning sidan Viking-sondane tidleg på 1970-talet.
Prosjektet var leia av Lunar and Planetary Laboratory ved Universitetet i Arizona under styring av NASA. Alt i alt besto prosjektet av eit samarbeid av universitet frå USA, Canada, Sveits, Danmark og Tyskland, NASA, Den kanadiske romfartsorganisasjonen og private selskap frå luftfartsindustrien.
Innhaldsliste |
[endre] Vitskaplege mål
Ferda hadde to mål:
- studera den geologiske historia til vatnet i området, slik at ein kan få informasjon om tidlegare klimaforandringar på Mars.
- finna bevis på ein eventuell habitabel sone i grensa mellom jord og is der mikrobar kan eksistera.
Instrumentpakka på Phoenix var i stand til å avdekkja informasjon om den geologiske historia til Mars' nordpolregion, og ei evt. biologisk historie. Sidan Phoenix var den første ferda til å returnera data frå overflata i polarområda på Mars kom med eit sterkt bidrag til NASA sin Mars-strategi: «Følg vatnet». Marspolane inneheld store mengder vass-is. [3][4]
[endre] Landar
Ein valde ein landar i staden for ein marsrover, av di:
- Kostnadane blei reduserte når ein kunne bruka utstyr frå ein romsondeferd som vart avlyst
- Området der Phoenix landa er anteke å variera lite, derfor er det av liten verdi å ha eit mobilt laboratorium.
- Utstyrsvekta som trengst for å gjera Phoenix mobil kan i staden brukast på fleire og betre vitskaplege instrument
[endre] Bilete
 Dodo-Goldilocks-grøfta blei laga av tre ulike gravingar med den robotiske armen. Gravinga eksponerte eit hardt kvitt stoff som kan vera is. |
 Terningstore klumpar av lyst materiale i Dodo-Goldilocks-grøfta forsvann over fire dagar, noko som leidde forskarane til å konkludera med at klumpane var laga av is som sublimerte.[5] |
 Bilete teke av Mars Reconnaissance Orbiter som viser Phoenix svevande framfor krateret Heimdall. |
[endre] Bakgrunnsstoff
- Phoenix' heimeside
- Oppsumering av prosjektet hos JPL
- Phoenix sin profil hos NASAs Solar System Exploration
- Universitetet i Oslo (UiO) si side om Phoenix
[endre] Kjelder
- ↑ «NASA's Phoenix Spacecraft Lands At Martian Arctic Site» - Pressemelding på nettsida til Universitet i Arizona
- ↑ 2,0 2,1 «Mars Phoenix Lander Finishes Successful Work on Red Planet» - Pressemelding frå NASA i samband med at Phoenix blei erklært tapt.
- ↑ «Found it! Ice on Mars» - Offisiell pressemelding frå NASA (28. mai 2002). Vitja 20. juni 2008.
- ↑ «Mars Express radar gauges water quantity around Mars’ south pole» - Offisiell pressemelding frå ESA (15. mars 2007). Vitja 20. juni 2008.
- ↑ «Bright Chunks at Phoenix Lander's Mars Site Must Have Been Ice» - Offisiell NASA-pressemelding (19. juni 2008). Vitja 20. juni 2008.
|
|
||
|---|---|---|
| Passeringar | Mariner 4 • 6 • 7 • Mars 4 • Rosetta • Dawn |  |
| Banesondar | Mariner 9 • Mars 2 • 3 • 5 • 6 • Viking 1 • 2 • Phobos 2 • Mars Global Surveyor • 2001 Mars Odyssey • Mars Express • Mars Reconnaissance Orbiter | |
| Landarar / Robotiske romkøyretøy | Mars 3 • Viking 1 • 2 • Mars Pathfinder • Spirit • Opportunity • Phoenix | |
| Framtidige ferder | Fobos-Grunt og Yinghuo-1 (2009) • MetNet (2009-2019) •Curiosity (2011) • Mars Scout (2013) • Mars Science and Telecommunications Orbiter (2013) • ExoMars (2016) • Astrobiology Field Laboratory (2016) • Mars Sample Return Mission (2024?) | |
| Sjå òg | Mars • Utforsking • Kolonisering • Mislykka marssondar | |
| Utheva og skrå skrift viser til aktive ferder | ||
