Taizhou i Jiangsu

Taizhou (gul) i Jiangsu

Taizhou (kinesisk skrift 泰州, pinyin Tàizhōu) er eit byprefektur sentralt i provinsen Jiangsu i Kina. Prefekturet har eit areal på 5 794 km² og 4 618 558 innbyggjarar i 2010. Av desse bur 571 516 i storbyen Taizhou, som ligg langs nordbreidda av Chang Jiang.

Byprefekturet Taizhou omfattar to distrikt (区 qū) og fire byfylke (市 shì).

Historie

Byen Taizhou har ei over 2 100 år lang historie. Byen har heile tida vore eit politisk, økonomisk, kulturelt og kommunikasjons-sentrum i sentrale Jiangsu. Marinen til Folkets frigjeringshær vart danna med utgangspunkt i Taizhou.

Næring

Taizhou har mange kornmøller og tekstilfabrikkar, stor produksjon av fiskegarn og andre næringar basert på lokalt landbruk.

Samferdsle

Kinas riksveg 328 fører gjennom området, han går fra Nanjing via Yangzhou til Nantong.

Kjelder

• Denne artikkelen bygger på «Taizhou (Jiangsu)» frå Wikipedia på bokmål, den 1. mai 2012.
• Denne artikkelen bygger på «Taizhou, Jiangsu» frå Wikipedia på engelsk, den 1. mai 2012.