Talent
Talent er ei gammal måleining for massen av gull og sølv. Etter tradisjonen var ein talent lik 60 mine.
Etter tradisjonen vart eininga innført av Solon i Aten kring år 600 fvt, og vart tidleg utbreidd i heile Midtausten. I antikkens Hellas var ein talent lik 60 pund eller 6000 drakmar.[1]
Eininga talent er bruka i Det gamle testamentet som mål for gull [2] og sølv [3] og tilsvarar om lag 34,2 kilogram. Det finst likevel ulike trekningar for de bibelske måla. og verdiane kan ikkje fastsetjast heilt nøyktig. [4]
Talent vart òg rekna som ei mynteining med verdi svarande til massen i gull eller sølv. Ein talent reint gull eller elektrum, som består av 80 % gull, ville i våre tids pengar ha vore verdt fleire millionar kroner og ein talent sølv ovre eit hundre tusen kroner, noko som vil sei at mynteininga truleg aldri vart utnytta.
[endre] Kjelder
- talent. (2012-02-21) I Store norske leksikon. Henta frå http://snl.no/talent/myntenhet
[endre] Referansar
- ↑ Talent i Nynorskordboka
- ↑ 2. Krøn. 9,13
- ↑ Esra 7,22
- ↑ Ordforklaring i Bibelen, Det Norske Bibelselskap 1978
