Eg er professor i nordisk språkvitskap ved UiT Noregs arktiske universitet og professor II ved Høgskulen på Vestlandet. Ved UiT er eg tilknytt AcqVA Aurora Centre der eg har ansvaret for temaet «multilektale sinn» (’Multilectal Minds’). Eg er fødd i Sogndal og oppvaksen på Leikanger i Sogn og på Skjetten på Romerike. Utdanninga mi har eg hovudsakleg frå Universitetet i Bergen (cand. philol. med lingvistikk hovudfag (1994) og dr. artium i språkvitskap (2000)), men eg har òg studert eit år i Finland og eit år på Island. Sidan 2000 har eg arbeidd ved UiT.
Heimesida mi ved UiT finn du her. Med ujamne mellomrom bloggar eg om språk og språkvitskap på forsking.no (sjå denne sida).
