Vesterålen

Vesterålen i midnattssol.

Vesterålen er eit øydistrikt lengst nord i Nordland fylke, rett nordom Lofoten. Vesterålen har eit landareal på til saman 2503 km² og femnar om kommunane Andøy (659 km²), Bø (248 km²), Hadsel (566 km²), Sortland (713 km²) og Øksnes (317 km²).

Geografi

Geografisk inkluderer Vesterålen øyane Andøya, Hadseløya, den vestlege delen av Hinnøya, Langøya og den nordlege delen av Austvågøya.

Det er 30 648 innbyggjarar i Vesterålen (1.1.2004), fordelte på kommunane Andøy (5442), Bø (3029), Hadsel (8076), Sortland (9486) og Øksnes (4615) (SSB) .

Dei største tettstadene er Andenes (i Andøy kommune), Sortland, Straume (i Bø kommune), Melbu (i Hadsel kommune), Myre (i Øksnes kommune), og Stokmarknes (i Hadsel kommune).

Kommunikasjon

Øyane i Vesterålen er knytte saman med brusamband og har òg ferjefri veg til fastlandet. Det finst to flyplassar i Vesterålen; Andøya lufthamn, Andenes og Stokmarknes lufthamn, Skagen. Hurtigruta har stopp i Risøyhamn (i Andøy kommune), Sortland og Stokmarknes.

Eidsfjord i Vesterålen.

Fortidsminne

Vesterålen er rik på fortidsminne og funn viser at det har vore busetjing der sidan yngre steinalder.

Geologi

I Vesterålen finn me både dei eldste og dei yngste bergartane i Noreg. Bø har bergartar som er 3,5 milliardar år gamle, medan ein på Andøya (Ramsåfeltet) finn bergartar som er berre mellom 130 og 180 millionar år gamle.

Kjelder

• Vesterålen henta frå Bokmålswikipedia 27. mai 2005.

Bakgrunnsstoff

• Vesterålen - fotogruppe på Flickr

Øyane i Vesterålen Andøya | Hinnøya | Hadseløya | Langøya | med øyane Øksnes Vestbygd: Skogsøya | Nærøya | Tindsøya | Dyrøya - Lofoten -