Alberto Tarantini

Frå Wikipedia – det frie oppslagsverket
Hopp til navigering Hopp til søk
Alberto Tarantini
Tarantini argentina.jpg
Alberto Tarantini
Fødd 3. desember 1955
Fødestad Ezeiza

Alberto César Tarantini (fødd 3. desember 1955) er ein tidlegare fotballspelar frå Ezeiza i Gran Buenos Aires som vart verdsmeister med Argentina på heimebane i 1978 og vann Copa Libertadores 1977 med Boca Juniors. Kring 1980 var han ein av dei beste venstrebackane i verda.

Klubbspel[endre | endre wikiteksten]

Tarantini spelte på Boca Juniors 1973-77 og River Plate 1980-83, med begge desse laga som høyrer heime i Buenos Aires vann han eitt nasjonalt seriegull. Hausten 1977 var han som Boca-spelar med å vinne den søramerikanske fotballpokalen, Copa Libertadores. Sesongen 1978/79 hadde han eit mislukka opphald i engelske Birmingham City. Sidan spelte han 1983/84-sesongen på Bastia i fransk toppserie og heldt fram 1984-88 i FC Toulouse, utan nemnande suksess.

Landslagsspel[endre | endre wikiteksten]

Tarantini fekk sin landslagsdebut våren 1974, der etter gjekk det nesten to år før landkamp nummer to. Sitt internasjonale gjennombrot fekk han under VM i fotball 1978 i heimlandet. Han spelte då alle Argentinas kampar og som offensiv sideback skåra han sitt einaste landslagsmål då Peru i mellomrunda vart slått 6-0, ein elles illgjeten kamp. I finalen var han med å vinne 3-1 over Nederland etter ekstraomgangar. Også i Fotball-VM 1982 i Spania var Tarantini med i alle kampane, der Argentina rauk ut i mellomrunda etter tap mot Italia og Brasil. Sidan kom han ikkje med på landslaget og stoppa på 61 kampar for Argentina.

Merittar[endre | endre wikiteksten]

  • Verdsmeister: 1978 for Argentina
  • Vinnar av Copa Libertadores: 1977 med Boca Juniors
  • Nasjonal seriemeister i Argentina: 1976 med Boca Juniors og 1981 med River Plate

Kjelder[endre | endre wikiteksten]