Allkunne

Allkunne er eit nynorsk nettleksikon, drive av Allkunne AS. Oppslagsverket vart offisielt opna 20. oktober 2009, med eit omfang på rundt 850 artiklar.

Ottar Grepstad er hovudredaktør og Eirik Helleve var dagleg leiar fram til 2010, då Audhild Gregoriusdotter Rotevatn vart tilsett som ny dagleg leiar.

I fyrste omgang er det tekstar om den nynorske kulturhistoria som vert publiserte, men på sikt vil det òg kome tekstar om andre emne. Alle publiserte tekstar er vurderte og språkvaska av ein redaksjon.

Hovudmålgruppa for nettleksikonet er elevar i vidaregåande skole og siste del av ungdomsskolen. Leksikonet nyttar ei digital plattform utvikla for Store Norske Leksikon. Arbeidet med å byggje opp leksikonet vart planlagt å gå føre seg i åra 2008- 2011, og det har vore søkt om statsstønad.

Allkunne AS

Allkunne AS er eit aksjeselskap som har som oppgåve å drive oppslagsverket Allkunne.

Selskapet er skipa av Det Norske Samlaget og Nynorsk kultursentrum, med Arild Thorbjørnsen som styreleiar.

Sjå òg

Nynorsk nettleksikon

Bakgrunnsstoff

• www.allkunne.no
• Allkunne på Twitter
• Allkunne på Facebook
• Allkunne AS - prosjektsøknad
• Kulturnett Møre og Romsdal