Andreas Zingerle

Andreas Zingerle
Statsborgarskap	Italia
Fødd	25. november 1961 (62 år) Rasen-Antholz
Idrett	skiskyting
Tok del i	Vinter-OL 1992, Vinter-OL 1994, Vinter-OL 1984, biathlon at the 1988 Winter Olympics – relay
Utmerkingar	Gullkraven for sportslig fortjenste

Andreas Zingerle (fødd 25. november 1961) er ein italiensk tidlegare skiskyttar frå Antholz. Han vart verdsmeister på 20 km under VM 1993 i Borovets i Bulgaria, og tok elles to VM-gull i stafett; 1990 og 1993.

Aktiv

Zingerle opplevde eit førebels høgdepunkt under Vinter-OL 1988 i Calgary, der han fekk ein bronse med Italia sitt lag på 4 x 7,5 km stafett. To år seinare vann Italia VM-stafetten med Zingerle, Wilfried Pallhuber, Pieralberto Carrara og Johann Passler på laget. Dei same fire skiskyttarane gjentok bragda under VM i skiskyting 1993, ein meisterskap der Zingerle toppa karrieren med å verte verdsmeister på 20 km.

I sin beste sesong i verdscupen i skiskyting, 1990/91, kom Zingerle samanlagt på tredjeplass. Han la opp i 1995.

Medaljar og besteplasseringar i internasjonale meisterskap

• VM i skiskyting 1982 i Minsk: Nr 12 på 10 km
• VM i skiskyting 1983 i Antholz: Nr 9 på 20 km
• Vinter-OL 1984 i Sarajevo: Nr 9 på 20 km
• VM i skiskyting 1985 i Ruhpolding: Nr 9 på 10 km
• VM i skiskyting 1986 i Oslo: Nr 9 på 20 km
• VM i skiskyting 1987 i Lake Placid: Nr 11 på 20 km
• Vinter-OL 1988 i Calgary: Bronsemedalje i stafett, nr 14 på 10 km
• VM i skiskyting 1989 i Feistritz: Nr 5 på 20 km
• VM i skiskyting 1990 i Kontiolax og Minsk: Gullmedalje i stafett, nr 5 på 20 km
• VM i skiskyting 1991 i Lahtis: Nr 4 på 10 km
• Vinter-OL 1992 i Albertville: Nr 7 på 20 km
• VM i skiskyting 1993 i Borovets: Gullmedalje på 20 km og stafett
• Vinter-OL 1994 i Lillehammer: Nr 6 på 20 km

Kjelder

• Sportsboken, aktuelle årgangar