Arnt Håkon Ånesen
| Arnt Håkon Ånesen | |||
| Fødd | 20. januar 1977 (47 år) | ||
|---|---|---|---|
| Fødestad | Bodø | ||
| Opphav | Noreg | ||
| Verka som | komponist | ||
Arnt Håkon Ånesen (fødd 20. januar 1977 i Bodø) er ein norsk komponist, oppvaksen i Fauske. Han er lektor i komposisjon,[1] medlem i Norsk komponistforening og i Ny Musikks Komponistgruppe.
Biografi[endre | endre wikiteksten]
Arnt Håkon Ånesen har drive med musikk og komposisjon sidan barndommen. Frå 1998 til 2008 studerte han ved Norges Musikkhøgskole under Bjørn Kruse, Olav Anton Thommessen og Lasse Thoresen. Ånesen fordjupa seg i instrumentet tuba, før det begynte å, i fylgje han sjølv, «freista å spela på fleire instrument». På musikkhøgskulen mottok han stipend frå TONO, Komponistenes Vederlagsfond og Statens Kunstfagstipend, og investerte noko av pengane på studiereise til Australia. Ånesen tok diplomeksamen frå musikkhøgskulen i 2008.
Prosjekt[endre | endre wikiteksten]
Arnt Håkon Ånesen har samarbeidd mykje med biletkunstnaren Hilde Aagaard. Dei to har hatt kunstprosjekt saman i både Tokyo, Lillehammer, Aten, Gjendin i Jotunheimen samt Melbourne.
I 2007 starta Ånesen eit samarbeid med trioen Artetriol. Trioen og Ånesen laga ei førestilling dei kalla «In Progress», som vart framført i Sverige og på austlandsområdet.
I mai 2011 laga Ånesen konsertmusikk av syngjande selhannar; storkobbar som han høyrde på Ny-Ålesund på Svalbard. Verket med selane fekk namnet «- 273,15°C» og vart framført i Tromsø.[2]
Ånesen har gjeve ut 3 elektroakustiske album på digitale internettkanalar. Til dagleg underviser han i komposisjon på Edvard Munch vidaregåande skule, og jobbar med eit nytt digitalt læreverk i NRK.
Nokre framføringar[endre | endre wikiteksten]
- 2011: Borealisfestivalen i Bergen
- 2011: Nordlysfestivalen i Tromsø
- 2010: Numusic i Stavanger
- 2010: Musikkfestivalen Domaine Forget, Quebec, Kanada
- 2010: «In Progress» med trio i Napoli, Italia.
- 2009: Musikkprosjekt i St. Petersburg
- 2009: Peer Gynt Stemnet, Vinstra
- 2008: Ultimafestivalen, Oslo saman med Bodø Sinfonietta.
- 2008: Nordland Musikkfestuke, med bass-songaren Ketil Hugaas og slagverkensemblet Kroumata.
Kjelder[endre | endre wikiteksten]
- Ballade.no, 17.12.08: Ny komponist: Arnt Håkon Ånesen[daud lenkje]
- CV frå Ånesen si offisielle nettside.[daud lenkje]
- Bokmålswikipedia om Arnt Håkon Ånesen, henta inn 26. mars 2012.
Fotnote[endre | endre wikiteksten]
- ↑ Ballade.no: Medmenneskelighet i norsk musikkliv., arkivert frå originalen 30. mai 2012, henta 26. mars 2012
- ↑ Dagbladet, 09.04.11: Selene synger så vakkert