Asgeir Dølplads
| Asgeir Dølplads | |
| Statsborgarskap | Noreg |
| Fødd | 26. august 1932 |
| Død | 26. september 2023 (91 år) |
| Idrett | skihopping, fotball |
Asgeir Dølplads (26. august 1932–26. september 2023) var ein norsk skihoppar og frisør, fødd og død på Rena i Hedmark.
Den 1. januar 1953 vart Dølplads i Garmisch-Partenkirchen den første vinnaren av eit renn i den tysk-austerrikske hoppveka. Med hopp på 78,5 og 81 meter vann han framom austerrikaren Sepp Bradl og tyskaren Toni Brutscher. Deretter vart han nummer tre i Oberstdorf og nummer to i Innsbruck. Samanlagt vart han nummer tre i den fyrste hoppveka, bak vinnaren Sepp Bradl og landsmannen Halvor Næs. I 1956 tevla Dølplads om NM-gullet med Arne Hoel og Kjell Kopstad. Dølplads vart nummer tre, Hoel vann. I sine beste år som idrettsmann representerte Dølplads Stabæk IF.
Besteplasseringar i internasjonale renn
[endre | endre wikiteksten]- 1952: Nr 8 i Lahti
- 1953: Vinnar av nyttårshopprennet i Garmisch-Partenkirchen
- 1955: Nr 4 i Svenska skidspelen i Nässjö
Medaljar og besteplasseringar i noregsmeisterskap
[endre | endre wikiteksten]- Ski-NM 1953: Nr 8 i Trondheim
- Ski-NM 1956: Bronsemedalje i Drammen
- Ski-NM 1957: Nr 4 i Mo i Rana
Dølplads var svigerfar til komikaren Atle Antonsen.
Kjelder
[endre | endre wikiteksten]- Sportsboken, aktuelle årgangar