Buskhund

Frå Wikipedia – det frie oppslagsverket
Hopp til navigering Hopp til søk
Buskhund
Buskhund
Bush dog.JPG
Vitskapleg namn
Speothos venaticus
Utbreiing
Status i verda: NT Nær truga

Utbreiingskart
Utbreiingsområde.]]

Systematikk
Domene: Eukaryotar
Rike: Dyr
Rekke: Ryggstrengdyr
Virveldyr
Klasse: Pattedyr
Orden: Rovdyr
Familie: Hundedyr
Slekt: Speothos

Buskhund (Speothos venaticus) er eit dyr i hundefamilien, det einaste i slekta Speothos. Hunden veg 5-7 kg. Han har ei lengd på 57-75 cm med ein hale på 12,5-15 cm. Pelsen er tjukk og mjuk, lyst brunfarga med ein raud let, og ein lysare del på undersida av halsen.

Dyret lever i eit stort område i austre Sør-Amerika som omfattar Panama, Colombia, Venezuela, Bolivia, Peru vest for Andes, Ecuador, Guiana, Paraguay, nordaustre Argentina (Misiones-provinsen) og Brasil (frå regnskogen Amazonas til staten Amazonas). Likevel er buskhunden sjeldan, og arten er klassifisert som sårbar. Lenge trudde ein at det var ein utdøydd art, ettersom det berre var funne fossil av han i brasilianske grotter.

Buskhunden er eit rovdyr som helst jakter i flokk. Hovudbyttet er den store gnagaren paka (Agouti paca), men ein flokk på 10-12 hundar kan òg leggja ned større byttedyr. Dei er dyktige til å symja, og har utvikla symjehud mellom tærne.

Ein buskhund kan bli om lag ti år. Han blir kjønnsmoden i eittårsalderen. Eit svangerskap tek 63 dagar, og ei mor kan få opptil seks kvalpar.

Namn[endre | endre wikiteksten]

Buskhund
Namn på andre språk
SvenskSkogshund, buskhund
DanskSkovhund
EngelskBush Dog
TyskWaldhund
FranskChien des buissons
SpanskPerro venadero, zorro vinagre, zorro pitoco, yagua, ivigui, cinogalo, perro de agua, perro de monte, perro selvático
RussiskKustarnikovaja sobaka (Кустарниковая собака)

Dyret går under mange namn. Han blir kalla eddikhund (portugisisk: cachorro-vinagre, spansk: perro vinagre) og eddikrev (sp. zorro vinagre), villhund (port. cachorro-do-mato), vasshund (sp. perro de agua) og fjellhund (sp. perro de monte)