Christian Krohg

Frå Wikipedia – det frie oppslagsverket
(Omdirigert frå Christian Krogh)
Hopp til navigering Hopp til søk
Sjå og Christian Krohg (fleirtyding)
Christian Krohg
Christian Krogh (cropped).jpg
Foto: Martin Finborud
Fødd 13. august 1852
Bydel Vestre Aker
Død

16. oktober 1925
Oslo

Sjanger portrett
Yrke kunstmålar, professor, skribent, journalist

Christian Krohg (13. august 185216. oktober 1925) var ein norsk målar, forfattar og journalist.[1] Han vert halden for å vere ein av dei største norske biletkunstnarane og han var den viktigaste kunstnaren innan naturalismen i Noreg.

«Oda Krohg», 1886
«Kampen for tilværelsen»
Albertine i politilægens venteværelse, 1885–87, 211x326 cm. Olje på lerret i Nasjonalgalleriet

Krohg var fødd i Oslo. Då han reiste til Tyskland for å studere kunst i 1874, var han allereie utdanna jurist frå Universitetet i Oslo. Krohg studerte fyrst i Karlsruhe og så i Berlin. Han blei ein av skagensmålarane, og gjennom opphalda sine på Skagen, dit han kom fyrste gong i 1879, fekk han arbeide saman med målarar som Peder Severin Krøyer, og Anna og Michael Ancher. Dei påverka alle kvarandre og fleire av dei beste måleria hans vart til i Skagen.

Krohg var sterkt inspirert av tenkjarar innan realismen og valde motiv frå kvardagslivet og bileta kunne ofte skildre urett eller sosial naud. Særleg kjend er måleriet Albertine i politilægens venteværelse, som gjengjev ein scene frå hans eigen roman, Albertine frå 1886. Boka skildrar prostitusjon og vakte stor oppsikt og vart inndregen av politiet.

Krohg var også journalist i Verdens Gang (1890—1910), og professor og direktør ved Statens kunstakademi (1909—25). I perioden 1901 til 1909 budde han med familien i Paris.

Krogh var son av Georg Anton Krohg.[1] Han var gift med Oda Krohg og far til Nana Krohg Schweigaard og Per Krohg.[2][3]

Nasjonalgalleriet i Oslo har mange viktige verk av Christian Krohg, mellom anna Albertine i politilægens venteværelse og Kampen for tilværelsen. Han er også godt representert ved andre norske museum og ved musea i Skagen, København, Stockholm, Malmö og Göteborg.

Christian Krohg ligg gravlagd på Æreslunden på Vår Frelsers Gravlund i Oslo.

Kjelder[endre | endre wikiteksten]

  1. 1,0 1,1 «Christian Krohg». Norsk kunstnerleksikon. Henta 31. mai 2018. 
  2. «Christian Krohg». Norsk biografisk leksikon. Henta 31. mai 2018. 
  3. «Nana Krohg Schweigaard». Norsk kunstnerleksikon. Henta 31. mai 2018. 

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Christian Krohg