Gransherad
| Gransherad | |||
| stad | |||
 | |||
| Land |  Noreg
| ||
|---|---|---|---|
| Fylke | Telemark | ||
| Kommune | Notodden | ||
| Postnummer | 3691 GRANSHERAD | ||
| Ferdselsårer | 37 361 | ||
 Gransherad 59°41′26″N 9°02′18″E / 59.690611111111°N 9.0382777777778°E | |||
| Wikimedia Commons: Gransherad | |||
Gransherad er ei bygd i Notodden kommune i Telemark, kring tre mils køyring nordvest for kommunesenteret Notodden by. Gransherad var ein eigen kommune mellom 1860 og 1964. Bygda har barne- og ungdomsskole, barnehage, kyrkje, nærbutikk, 4H-klubb, «gjesteheim» og bensinstasjon med gatekjøkken.
Gransherad kommune
[endre | endre wikiteksten]
Gransherad kommune vart oppretta i 1860 og femnde Gransherad sokn som hadde høyrd til Hjartdal kommune, og Hovin sokn som hadde høyrd til Tinn kommune. I 1886 vart kommunen deld i to, og Hovin vart eigen kommune, medan Gransherad sokn utgjorde Gransherad kommune åleine. Ved delinga budde det 1393 personar i Gransherad, og 885 i Hovin. I 1964 vart kommunane Gransherad, med unntak av Øvre Jondalen som vart overført til Kongsberg kommune i Buskerud, Heddal og Notodden slegne saman til nye Notodden kommune. Rudsgrenda, som hadde høyrd til Hovin kommune vart òg overført til den nye Notodden kommune. Ved samanslåinga budde det 1115 personar i den delen av Gransherad som vart innlemma i Notodden kommune.
Kultur
[endre | endre wikiteksten]Gransherad har også ein eigen festplass, som heiter Høvleriet, der Hellbillies kjem for å spele kvart år.
Komponisten Klaus Egge blei fødd i Gransherad. Fløytisten og vokalisten i Trang Fødsel, Jørund Fluge Samuelsen, voks også opp her.