Gunnar Andreassen

Frå Wikipedia – det frie oppslagsverket
Gunnar Andreassen
Statsborgarskap Noreg
Fødd 5. januar 1913
Fredrikstad
Død

23. juli 2002 (89 år)

Yrke fotballspelar, fotballtrenar

Gunnar Andreassen (5. januar 191323. juli 2002) var ein norsk fotballspelar som vann fire NM-finalar med Fredrikstad Fotballklubb i tida 1935-40 og vart to gongar noregsseriemeister og hovudseriemeister i 1949. Han spelte to landskampar.

Klubbspel[endre | endre wikiteksten]

Andreassen var midtbanespelar på Fredrikstad FK sitt sigerrike lag i åra før 1940. Saman med spelarar som Knut Brynildsen og Rolf Johannessen sanka han seks nasjonale pokalar i åra frå 1935 til 1940. Det tok til med siger over Sarpsborg FK i cupfinalen 1935, forsvar av NM-tittelen mot finalemotstandar Mjøndalen IF året etter. I 1938 vann FFK den aller fyrste norske seriemeisterskapen i fotball, Norgesserien 1937/38, og der etter sigra laget på nytt over Mjøndalen IF i cupfinalen 1938. Fredrikstad FK vann også Norgesserien 1938/39, før laget hausten 1940 sikra sitt fjerde NM-gull på seks år med cupfinaletriumf 3-0 over IK Skeid. Etter verdskrigen tapte FFK tre cupfinalar i perioden 1945-48, før Andreassen i juni 1949 opplevde sin siste pokalsiger då Fredrikstad Fotballklubb i juni 1949 vann den aller fyrste hovudserien i fotball med to klare finalesigrar over Vålerengen IF.

Landslagsspel[endre | endre wikiteksten]

Andreassen spelte to landskampar. I september 1939 var han med å tape mot Sverige på heimebane, knapt seks år seinare leid han same skjebna mot Danmark i København.

Merittar[endre | endre wikiteksten]

  • Cupmeister med Fredrikstad: 1935, 1936, 1938 og 1940
  • Vinnar av Norgesserien med Fredrikstad: 1938 og 1939
  • Vinnar av Hovudserien med Fredrikstad: 1949

Kjelder[endre | endre wikiteksten]