Henry Johansen

Frå Wikipedia – det frie oppslagsverket
Hopp til navigering Hopp til søk
Henry Johansen
Fødd 21. juli 1904
Christiania
Død

29. mai 1988
Oslo

Yrke fotballspelar, skihoppar, fotballtrenar

Henry Høgfeldt Johansen (21. juli 190429. mai 1988) var ein norsk fotballspelar, landslagsmålvakt i tida 1926-38, samt skihoppar frå Oslo. Han var med på Bronselaget i 1936, og gjekk under kallenamnet «Tippen».

Johansen vart medlem av Vålerengen IF i 1918, då idrettslaget Olymp vart innlema i VIF. Frå 1923 til 1946 spelte han på A-laget til Vålerengen. To kvartfinalar, i 1936 og 1938, var høgdepunkta i hans tid som klubbspelar.

Johansen debuterte på Noregs landslag i 1926, og spelte sin 48. og siste landskamp i 1938. Det store høgdepunktet var fotballturneringa under Sommar-OL 1936 i Berlin, då Noreg overraska stort og vann bronsemedaljen etter sigrar over høvesvis Tyrkia, Tyskland og Polen. Også i fotball-VM 1938 i Frankrike var han Noregs målvakt. «Mange keepere hadde noe å lære av ... hans sikre grep, fine plas[s]eringer og utspill og hans glimrende feltarbeide.», og «det var ikke få landskamper han faktisk vant for Norge».[1] Særleg ry fekk han for sitt spel då Sverige vart slått 4-1 i Göteborg i 1932, og i 2-0-sigeren over Ungarn på heimebane i 1935.

«Tippen» Johansen vart i 1938 tildelt Egebergs ærespris for sine prestasjonar på fotballbana og i hoppbakken.

Merittar[endre | endre wikiteksten]

  • OL-bronse: 1936 med Noreg

Notar og kjelder[endre | endre wikiteksten]

  1. Magnus Breili: Fotballbokken. 1967