József Csermák

József Csermák
Csermák 1952.
Statsborgarskap	Ungarn
Fødd	14. februar 1932 Senec
Død	12. januar 2001 (68 år) Tapolca
Yrke	friidrettsutøvar, trenar, jarnbanearbeidar
Språk	ungarsk
Høgd	170 centimeter
József Csermák på Commons

József Csermák (14. februar 1932–14. januar 2001) var ein ungarsk friidrettsutøvar som tevla i sleggjekast. Han vart olympisk meister i sleggjekast i 1952. Csermák var fødd i Senec, i dag i Slovakia, den gongen i kongeriket Ungarn. Han døydde i Tapolca.

Aktiv

Csermák var 20 år gammal då han i Helsinki sette verdsrekord med 60,34 meter og vart olympiameister. Det var det alle første sleggjekastet over 60 meter.

To år seinare tok han bronse under europameisterskapen i Bern. Mikhail Krivonosov frå Sovjetunionen sette då verdsrekord med 63,34 m, medan den førre europameisteren, Sverre Strandli, fekk sølvmedaljen.

Csermák vart ungarsk meister fire gongar; 1953-54 og 1956-57 og vann seks sølvmedaljar i dei nasjonale meisterskapane i tida 1952-61. Han avslutta med bronsemedalje i UM 1963.

Medaljar og plasseringar i internasjonale meisterskap

• OL 1952 i Helsinki: Gullmedalje (60,34 m) framom Karl Storch (58,86 m) frå Tyskland
• EM 1954 i Bern: Bronsemedalje (59,72 m)
• OL 1956 i Melbourne: Nr 5 (60,70 m)
• OL 1960 i Roma: Utslått i kvalifiseringa (62,73 m =nr 18)

Kjelder

• Denne artikkelen bygger på «József Csermák» frå Wikipedia på tysk, den 9. august 2012.
• Denne artikkelen bygger på «József Csermák» frå Wikipedia på engelsk, den 9. august 2012.
• Denne artikkelen bygger på «Csermák József» frå hu, den 9. august 2012.

• World Athletics