Anatolij Bondartsjuk

Anatolij Bondartsjuk
Statsborgarskap	Sovjetunionen, Ukraina
Fødd	31. mai 1940 Starokostjantyniv
Død	23. desember 2025 (85 år) Kamloops
Yrke	sleggekaster
Språk	ukrainsk
Høgd	1,83 meter
Anatolij Bondartsjuk på Commons

Anatolij Pavlovitsj Bondartsjuk (31. mai 1941–23. desember 2025) var ein sovjetisk/ukrainsk sleggekastar frå Starokostjantyniv i Ukraina. Han vart europmeister i sleggekast i 1969 og olympiameister i 1972.

Aktiv

Bondartsjuks første store internasjonale triumf kom under EM 1969, der han sette ny verdsrekord med eit kast på 74,68 meter. To år seinare kom han på bronseplass i EM i Helsinki, knappe meteren bakom europameisteren Uwe Beyer frå Vest-Tyskland. Året etter sette Bondartsjuk ny olympisk rekord med 75,50 meter og vann sleggeøvinga under sommar-OL i München. Under EM i friidrett 1974 rauk han ut då han ikkje klarte å kaste over kvalifiseringsgrensa på 68,00 m. Han kom sterkare tilbake under OL 1976 i Montreal, der han vann bronsemedaljen bakom landsmennene Jurij Sedykh og Aleksej Spiridonov.

Meisterskapsmedaljar

• EM 1969 i Aten: Gullmedalje med 74,68 m framom Romuald Klim (72,74 m)
• EM 1971 i Helsingfors: Bronsemedalje (71,40 m)
• OL 1972 i München: Gullmedalje med 75,50 m framom Jochen Sachse frå Aust-Tyskland (74,96 m)
• EM 1974 i Roma: Utslått i kvalifiseringa (66,62 m)
• OL 1976 i Montreal: Bronsemedalje (75,48 m)

Kjelder

• Denne artikkelen bygger på «Anatolij Bondartsjuk» frå Wikipedia på bokmål, den 5. august 2012.