Jørg Berge
| Jørg Berge | |||
 | |||
| Fødd | 3. september 1854 Arendal | ||
|---|---|---|---|
| Død | 16. mars 1916 (61 år) | ||
| Statsborgar av | Noreg | ||
| Parti | Arbeidarpartiet | ||
| Yrke | redaktør, politikar | ||
| Alle verv |
| ||
Jørg Berge (3. september 1854–16. mars 1916) var ein norsk sjømann, lærar, journalist, fyrvaktar og stortingsmann frå Arendal.
Berge var son til ein skipper og navigasjonslærar. Sjølv tok han styrmannseksamen og reiste til sjøs i fleire år. Då han vart sjuk, mønstra han av i Montreal i Canada. Der gjekk han, 1873-76, på eit fransk seminar, heldt så fram studiane i Paris. Han arbeidde på eit meklarkontor i Spania i to år, sidan i Narbonne i Frankrike. Åra 1883-89 underviste han ved katolske skular i Kristiania og i Alta, og vart kateket i Harstad. Sidan arbeidde han i avis, også som redaktør, og som agent for fråhaldssaka. I 1907 fekk han stilling som fyrvaktar på Måholmen i Vikna.
Berge representerte krinsen Tromsø, Bodø og Narvik på Stortinget 1903-06, der han var medlem av kyrkjekomiteen. På tinget representerte han Arbeidarpartiet, og var ein av dei fire, aller første representantane dette partiet hadde på Stortinget. Dei andre tre var Alfred Eriksen, Meyer Foshaug og John Lind-Johansen.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Jørg Berge NSD Norsk senter for forskningsdatas politikararkiv