Jørgen Moe

Frå Wikipedia – det frie oppslagsverket
Gå til: navigering, søk
Jørgen Moe
Jørgen Moe (Frederik Klem).jpg
Fødd 22. april 1813
Hole
Død

27. mars 1882
Kristiansand

Jørgen Moe på Commons

Jørgen Engebretsen Moe (22. april 181327. mars 1882) var ein norsk biskop, forfattar og eventyrsamlar.

Moe måla av Christian Skredsvig (1896)

Virke[endre | endre wikiteksten]

Jørgen Moe vart fødd på den velståande garden Mo, som ligg i Hole kommune på Ringerike. Han er mest kjend som eine delen av Asbjørnsen og Moe, dei to eventyrsamlarane som samla og gav ut flest norske folkeeventyr. Det var i ungdommen at Moe vart kjend med Asbjørnsen, og dei to drog rundt og skreiv ned eventyr dei vart fortalde. Medan Asbjørnsen likte korte og gjerne morosame historier, var Moe meir oppteken av dei meir alvorsame undereventyra og legendene.

Jørgen Moe utdanna seg til prest, og etter å ha tena som kapellan i fleire år vart han i 1863 sokneprest i Bragernes kyrkje i Drammen. Seinare flytta han til Vestre Aker kyrkje i Christiania, og til slutt vart han biskop i Kristiansand.

I tillegg til eventyrsamlinga gav Moe òg ut sjølvskrivne verk, både dikt og forteljingar. I 1881 vart Moe utnemnt til kommandør av St. Olavs Orden.

Sonen hans Moltke Moe tok opp arva etter både Asbjørnsen og faren.

Hovudverk[endre | endre wikiteksten]

  • Norske folkeeventyr, 1841. Med Peter Christen Asbjørnsen.
  • Digte, 1849.
  • I brønden og i tjernet, 1851.
  • At hænge på juletreet, 1855.
  • En liten julegave, 1860.
  • Samlede skrifter, 1877.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Jørgen Moe
Wikisource Jørgen MoeWikikilden (frie originaltekstar)