Jack Buckner
| Jack Buckner | |
| Statsborgarskap | Storbritannia |
| Fødd | 22. september 1961 (63 år) Wells |
| Idrett | friidrett |
| Tok del i | Sommar-OL 1992, Sommar-OL 1988 |
Jack Richard Buckner (fødd 22. september 1961) er ein britisk tidlegare mellom- og langdistanseløpar, fødd i Wells i Somerset. Han vart europameister på 5000 meter i 1986 og tok året etter VM-bronsen på same distansen.
Aktiv
[endre | endre wikiteksten]Buckner sette personleg rekord på 1500 meter med 3.35,2 ved DN-galan i Stockholm 1. juni 1986. Med landsmenn som Sebastian Coe, Steve Cram og rutinerte Steve Ovett, alle saman i verdstoppen på distansen, valde Buckner å satse på 5 000 meter som sin distanse. Allereie under samveldeleikane i Edinburgh sist i juli månad vart han andremann på halvmila på tida 13,25,8, klart slått i spurten av nemnde Ovett. Ein månad seinare sprang Buckner sitt livs løp då han, etter ei glitrande spurtrunde vann gullmedaljen i europameisterskapen 1986 på tida 13.10,1, ei tid han aldri sidan makta forbetre.
Under verdsmeisterskapen i Roma i 1987 vann Buckner bronsen på 5 000 meter, like bak portugisiske Domingos Castro, ingen av dei to klarte å fylgje temposterke Saïd Aouita frå Marokko på oppløpet. Etter 1988 var Buckner plaga med skade. Han deltok i Sommar-OL 1992 der eit fall i forsøksløpet hindra han å nå finalen.
Medaljar og plasseringar i internasjonale meisterskap
[endre | endre wikiteksten]- EM 1986 i Stuttgart: Gullmedalje – 13.10,1, framom Stefano Mei (13.11,5)
- VM 1987 i Roma: Bronsemedalje – 13.27,7
- OL 1988 i Seoul: Nr 6 – 13.23,8
- OL 1992 i Barcelona: Utslått i kvalifiseringa (13.37,1=nr 17)
Kjelder
[endre | endre wikiteksten]- Denne artikkelen bygger på «Jack Buckner» frå Wikipedia på engelsk, den 1. september 2019.