Kailasafjelllet

Frå Wikipedia – det frie oppslagsverket
Kailasa
Kailas, Kailash,
Kailasha, Kailasja
fjell
Land  Tibet
Høgd 6 638 moh.
Kart
Kailasafjelllet
31°4′1″ N 81°18′46″ E
Kailasa i Himalaya
Kailasa i Himalaya
Kailasa i Himalaya
Wikimedia Commons: Mount Kailash

Kailasafjelllet er eit fjell nord i Himalaya med ei viktig tyding innan hinduismen, djainismen, buddhismen og bön. Fjellet ligg vest i Tibet som er styrt av Folkerepublikken Kina. Det er ein viktig pilegrimsstad for tibetanarar og utanlandske hinduar.

Religiøs tyding[endre | endre wikiteksten]

I hinduismen er Kailasa rekna som heimen til guden Sjiva, som sit der i meditasjon med maken sin Parvati og sønene deira Skanda og Ganesja. Fjellet er også rekna som sete for rikdomsguden Kubera.

I den tradisjonelle tibetanske religionen bön har fjellet stor andeleg kraft. I tibetansk buddhisme var det her Milarepa sigra over bön-forkjemparen Naro Bön-chung og innførte buddhismen i Tibet. Milarepa skal ha vore det siste mennesket som var på toppen av fjellet; ingen har klatra til toppen av det.

Fjellet ligg nær kjelda til fleire av dei lengste elvene i Asia, som også er viktige heilagdommar: Indus, Sutlej, Brahmaputra og Karnali (ei bielv til Ganga).

I Ellora i Maharashtra i India ligg Kailasa-tempelet frå 700-talet. Det er eit frittståande monolittisk bygg meislet ut av granittfjell, og er eit bilete på Sjiva sitt paradis.

Kjelder[endre | endre wikiteksten]