Lars Kinsarvik

Frå Wikipedia – det frie oppslagsverket
Lars Kinsarvik
Statsborgarskap Noreg
Fødd 8. september 1846
Kinsarvik
Død

21. juni 1925 (78 år)
Kinsarvik

Yrke bilethoggar, kunstmålar, treskjerar
Lars Kinsarvik på Commons
Altertavle laga til Vartdal kyrkje i 1907. Skoren og måla av Lars Kinsarvik med bibelord på landsmål og typiske Kinsarvik-fargar.
Minnestein for Lars og Arne Kinsarvik i Volda

Lars Trondson Kinsarvik (8. september 184621. juni 1925) var ein norsk treskjerar, folkehøgskulemann, opplysingsmann, spelemann, diktar og målmann.[1] Han vart fødd i Kinsarvik i Hardanger og gjekk på Bergens tegneskole frå 1865. Han var i to vintrar elev hjå Anders Askevold. Han dreiv ei tid med kunst- og dekorasjonsmåling, men fann etterkvart ut at særgjevnaden hans var treskurd. Han søkte seg attende til den norske folkekunsten frå mellomalderen, og skapte ei atterføding av den norrøne ornamentikken. Han dreiv skule i treskurd i Hardanger i 1886-89, så med statsstøtte i Ørsta og Volda i perioden 1905-17. Han tok etter kvart på seg fleire dekorasjonsoppdrag i kyrkjer. Frå 1907-15 skar og måla han til 13 kyrkjer i området Nordfjord til Trøndelag. Han fekk årleg statsstipend frå 1899, og livsvarig pensjon frå 1917.

I 1860-åra skreiv han dikt og prosa i målbladet Svein Urædd. Han gav frå hausten 1874 og ei tid framover ut målbladet Måltrosten, men skreiv seinare for det meste i bygdeblad.[2]

Lars Kinsarvik vart råka av ein alvorleg augesjukdom. Frå 1917 var han heilt blind. Han flytte attende til heimbygda Kinsarvik og budde der til han døydde.

Kjelder[endre | endre wikiteksten]

Fotnotar[endre | endre wikiteksten]

  1. Oddgeir Bruaset (2008). Arven: ei vandring i sunnmørsk kulturhistorie del II. Skyline. s. 135. ISBN 978-82-91385-48-8. 
  2. Olaf Almenningen; et al. (1981). Målreising i 75 år : Noregs mållag 1906-1981. Oslo: Fonna Forlag. s. 411. ISBN 82-513-0070-3. 

Bakgrunnsstoff[endre | endre wikiteksten]

Commons har multimedium som gjeld: Lars Kinsarvik