Marián Masný

Marián Masný
Statsborgarskap	Tsjekkoslovakia
Fødd	13. august 1950 (73 år) Rybany, Chynorany
Yrke	fotballspelar

Marián Masný (fødd 13. august 1950) er ein slovakisk tidlegare fotballspelar frå Rybany, som vart europameister 1976 med Tsjekkoslovakia. Han spelte 75 landskampar og skåra 18 mål i tida 1974-82. Nasjonalt var han med å vinne ni pokalar, både tsjekkoslovakiske og slovakiske, med Slovan Bratislava.

Aktiv

Masný spelte i tenåra på eit lokalt lag. Frå 1969 til -71 var han knytt til i Dukla Banska Bystrica, samstundes som han gjorde militærteneste. I 1971 fekk han plass i stallen til topplaget Slovan Bratislava og spelte på Slovan i elleve sesongar. Med laget frå den seinare slovakiske hovudstaden vann han fire tsjekkoslovakiske meistertitlar og fem slovakiske cupmeisterskap. Våren 1974 var eit høgdepunkt med triumfar i både den tsjekkoslovakiske serien, der slovakiske cupen og i cupfinalen mot den tsjekkiske cupvinnaren. Sesongen 1984/85 spelte han for Petržalka, ein mindre byrival til Slovan.

Masný debuterte på det tsjekkoslovakiske landslaget i september 1974, og fekk omgåande fast plass på laget. Då Tsjekkoslovakia sigra over Vest-Tyskland i finalen under fotball-EM 1976 etter straffeskyting, var Masný fyrst ut av dei fem tsjekkoslovakiske eksekutørane, som alle saman skåra. Masný deltok i alle fire kampane då Tsjekkoslovakia tok bronse ved fotball-EM 1980, og utlikna då Italia og Tsjekkoslovakia spelte 1-1 i bronsefinalen. Under VM i fotball 1982 var han innbytar i sine to siste kampar i landslagsdrakt.

Merittar

• Europameister: 1976 med Tsjekkoslovakia
• EM-bronse: 1980 med Tsjekkoslovakia
• Tsjekkoslovakisk seriemeister: 1974 og 1975 med Slovan Bratislava
• Slovakisk cupmeister: 1972, 1974, 1976, 1982 og 1983 med Slovan Bratislava
• Tsjekkoslovakisk cupvinnar: 1974 og 1982 med Slovan Bratislava

Kjelder

• Denne artikkelen bygger på «Marián Masný» frå Wikipedia på tysk, den 15. mai 2017.