Ivo Viktor

Ivo Viktor
Statsborgarskap	Tsjekkoslovakia
Fødd	21. mai 1942 (81 år) Křelov
Yrke	fotballspelar, fotballtrenar
Ivo Viktor på Commons

Ivo Viktor (fødd 21. mai 1942) er ein tsjekkisk tidlegare fotballspelar frå Křelov, som var målvakt på Tsjekkoslovakia sitt lag som vann EM i fotball 1976. Han spelte 63 landskampar i åra frå 1966 til 1977. I si tid var han ei av dei beste målvaktene i Europa, og kom på tredjeplass i kåring om beste fotballspelaren i Europa i 1976 (Ballon d'Or). Fem gongar vart Viktor kåra til Tsjekkoslovakias beste fotballspelar, og to gongar til årets målvakt i Europa.

Frå 1960 til -63 stod Viktor ein sesong i mål for kvart av laga Železárny Prostějov, RH Brno og Spartak Brno. Sidan var han målvakt i topplaget Dukla Praha i fjorten sesongar, og fekk med seg tre seriegull og like mange nasjonale cuptriumfar før han ha la opp i 1977.

Viktor fekk sin landslagsdebut mot Brasil på Maracanã stadion i Rio de Janeiro i 1966. Fire år seinare vakta han målet då Tsjekkoslovakia rauk ut or fotball-VM 1970 i Mexico etter tre strake tap. Under EM i fotball 1976 utmerkte han seg med framifrå prestasjonar og bidrog mykje til at Tsjekkoslovakia vann turneringa. Særleg viktige redningar stod han for mot Nederland i semifinalen, såvel som mot Vest-Tyskland i finalen. Han vart også kåra til beste målvakt i EM og kom på tredjeplass i kåringa av årets fotballspelar i Europa.

Merittar

• Europameister: 1976 med Tsjekkoslovakia
• Tsjekkoslovakisk seriemeister: 1964, 1966 og 1977 med Dukla Praha
• Tsjekkoslovakisk cupvinnar: 1965, 1966 og 1969 med Dukla Praha

Prisar og utmerkingar

• Årets fotballspelar i Tsjekkoslovakia: 1968, 1972, 1973, 1975, 1976
• Tredjeplass i Ballon d'Or 1976
• Året fotballmålvakt i Europa: 1969 og 1976
• All star team Fotball-EM 1976

Kjelder

• Denne artikkelen bygger på «Ivo Viktor» frå Wikipedia på engelsk, den 14. mai 2017.