Nizjnij Tagil

Nizjnij Tagil Нижний Тагил
Industribyen Nizjnij Tagil
Flagget til Nizjnij Tagil	Byvåpenet til Nizjnij Tagil
Plassering
Styresmakter
Land	Russland
Føderasjonssubjekt	Sverdlovsk oblast
Grunnlagd Bystatus	1722 1919
Borgarmeister	Nikolaj Didenko
Geografi
Flatevidd  - By	298 km²
Innbyggjarar  - Totalt (2007)    - folketettleik	377 500   1 266,8 /km²
Koordinatar	57°55′″N 59°58′″E
Høgd over havet	200 moh
Tidssone - Ved sommartid	YEKT(UTC+5) YEKST (UTC+6)
Diverse annan informasjon
Postnummer	622000–622052
Retningsnummer (tlf)	(+7)3435
Bilnummer	66, 96
Nettstad: www.ntagil.ru/

Nizjnij Tagil (russisk språk: Ни́жний Таги́л) ) er ein by i Sverdlovsk oblast i Russland. Byen ligg ved elva Tagil, rundt 130 km nord for Jekaterinburg. Han hadde i 2007 om lag 375 000 innbyggjarar.

Historie

Vakttårnet på Lisja-fjellet

Nizjnij Tagil

Historia til Nizjnij Tagil startar med opninga av Visokogorski jernmalmgruve i 1696. Førekomstane var usedvanleg rike og inkluderte årer av reint magnetisk jern. Det omkringliggande landskapet hadde alt som ein trengde for ein produktiv og effektiv gruve- og smelteverksemd, elvar til transport, skogar til brensel og eit passande klima.

Sjølve byen vart grunnlagt i oktober 1722, av busetnader oppretta i tilknyting til bygginga av Vijskij koparsmelteverk, eigd av Nikolaj Demidov. I løpet av dei neste tiåra utvikla byen seg til å verte eit av dei tidlege sentera for russisk industrialisering og han var ein viktig produsent av støypejern og stål. Det første russiske damplokomotivet vart bygd her i 1833.

Geografi

Nizjnij Tagil strekkjer seg ut 22 km frå nord til sør og 21 km frå aust til vest. Byen er bygd rundt den utdøydde vulkanen Lisja og dette fjellet med eit vakttårn på toppen er eit symbol for byen. Den geologiske strukturen i området er svært kompleks og medverkar til den usedvanlege rikdomen på metall og mineral i byen. Det er funne førekomstar av i alt 63 grunnstoff på den periodiske tabellen.

Ein stor del av landområdet innan bygrensene er dominert av dei mange forskjellige fabrikkane i denne industribyen. Elver og vatn utgjer ein tredjedel av arealet i byen. Klimaet i byen er temperert kontinentalt.

Næringsliv og transport

Nizjnij Tagil er eit av dei største industrisentra i Ural. Kraftkrevjande industri som metallurgi, maskinbygging, kjemisk industri og metallhandsaming er dominerande. Totalt finst det rundt 600 produksjonsbedrifter i Nizjnij Tagil. Av desse er:

• Nizjnij Tagil Jern- og Stålfabrikk (Nizjnetagilskij Metalurgitsjeskij Kombinat, NTMK), som er eit leiande russisk stålselskap.
• Uralvagonzavod (UVZ) som er velkjent i Russland som hovudprodusenten av moderne stridsvogner i landet. Modellane T-72, T-90, T-95 vert produsert i byen.

Vegar og jernbanar knyt byen til andre i alle retningar, med Jekaterinburg i sør, Serov i nord, Perm i vest og Alapajevsk og Verkhnjaja Salda i aust.

Salka lufthamn ligg 17 km nordaust for byen. Den var ein militærbase til 1994, men er no er omgjort til ei sivil lufthamn.

Bakgrunnsstoff

• Offisielt nettstad for Nizjnij Tagil Arkivert 2012-05-24 ved Archive.is (russisk)
• Offisielt nettstad for Evraz Group, eigarar av Nizjnetagilskij Metalurgitsjeskij Kombinat (NTMK)

Kjelder

• Denne artikkelen bygger på «Nizjnij Tagil» frå Wikipedia på bokmål, den 21. november 2008.