Pavel Ploc

Frå Wikipedia – det frie oppslagsverket
Hopp til navigering Hopp til søk
Pavel Ploc
Pavel Ploc.JPG
Fødd 15. juni 1964
Jilemnice
Yrke skihoppar, politikar
Pavel Ploc på Commons

Pavel Ploc (fødd 15. juni 1964 i Jilemnice) er ein tsjekkisk tidlegare skihoppar som tevla for Tsjekkoslovakia frå 1982 til 1991. Han tok sølvmedalje i normalbakken under OL 1988 i Calgary, og bronsemedalje i storbakken under OL 1984 i Sarajevo. Ploc vann sølvmedaljen under VM i skiflyging i 1983 og bronsemedaljen i same i 1985. Dessutan har han to bronsemedaljar frå verdsmeisterskap i laghopping; 1984 og 1989).

Aktiv[endre | endre wikiteksten]

Ploc debuterte i verdscupen i skihopping i mars 1982 med ein tolvteplass i skiflygingsbakken i Bad Mitterndorf. I byrjinga av januar 1983 gjekk han heilt til topps i eit verdscuprenn i storbakken i Harrachov, 0,9 poeng framom Klaus Ostwald frå Aust-Tyskland. Seinare i sesongen fekk Ploc sølvmedaljen under skiflygings-VM i nettopp Harrachov. Rollene var då omsnudd, Klaus Ostwald vart verdmeister med Ploc og Matti Nykänen på dei neste medaljeplassane. Ploc sette elles verdsrekord i skiflyging med eit hopp på 181 meter, ein rekord som vart ståande i eit år.

I OL-sesongen 1984 fekk Ploc ei rekke gode plasseringar. Han vann bronsemedaljen i storbakken under vinter-OL i Sarajevo, og vann sidan to verdscuprenn og tok fleire gongar steget opp på sigerspallen. Også i skiflygings-VM 1985 i Planica fekk han bronsemedalje, og hadde elles to andreplassar i verdscupen som sine beste prestasjonar i 1985-sesongen.

Ploc vann i 1986 nyttårshopprennet i Garmisch-Partenkirchen. Etter ein svak sesong i 1987 var han tilbake i verdstoppen i 1988-sesongen. Gjennom OL-sesongen sigra han i fire verdscuprenn, og fekk sølvmedaljen i normalbakken under vinter-OL i Calgary. Trass i at han vann verdscuprennet i heimlege Liberec i 1989, gjorde han lite av seg i resten av sesongen. Unnataket var lagtevlinga under VM i Lahti, der Tsjekkoslovakia vann bronsen. På ny forbetra han seg i 1990-sesongen då han fekk ein andreplass i eit verdscuprenn, før han gjekk heilt til topps i Sollefteå i mars 1990. Ploc la opp som skihoppar i 1992, han lukkast ikkje med overgangen til V-stilen.

Verdcupsigrar[endre | endre wikiteksten]

Nr. Dato Stad Land
1. 9. januar 1983 Harrachov Tsjekkia
2. 9. mars 1984 Lillehammer Noreg
3. 25. mars 1984 Planica Slovenia
4. 1. januar 1986 Garmisch-Partenkirchen Tyskland
5. 11. desember 1987 Lake Placid USA
6. 12. desember 1987 Lake Placid USA
7. 30. desember 1987 Oberstdorf Tyskland
8. 22. februar 1988 Gstaad Sveits
9. 14. januar 1989 Liberec Tsjekkia
10. 11. mars 1990 Sollefteå Sverige

På slutten av 1990-talet var Pavel Ploc tsjekkisk landslagstrenar i skihopping. Seinare har han hatt plass i bystyret i Liberec som representant for sosialdemokratane.

Kjelder[endre | endre wikiteksten]