Please, Please, Please

«Please, Please, Please» Singel av James Brown and The Famous Flames frå albumet Please Please Please
B-side	«Why Do You Do Me»
Språk	engelsk
Utgjeve	Mars 1956
Innspelt	4. februar 1956 i King Studios, Cincinnati i USA
Sjanger	R&B
Lengd	2:43
Selskap	Federal 12258 King 5853
Komponist	Johnny Terry, James Brown
Tekstforfattar	James Brown, Johnny Terry
Låtskrivar(ar)	James Brown Johnny Terry
Produsent	Ralph Bass
James Brown and The Famous Flames-kronologi
-	«Please, Please, Please»	«I Don't Know» (1956)

«Please, Please, Please» er ein R&B-song skriven av James Brown og Johnny Terry og spelt inn av Brown and The Famous Flames. Han vart gjeven ut som singel på det Cincinnati-baserte selskapet Federal Records og var den første professjonelle innspelinga og hitten til Brown. Singelen selde etter kvart over ein million eksemplar. Han vart signaturlåten til Brown og eit fast innslag på konsertane hans.

Brown hadde djupe røter i sørstats gospelmusikk, og «Please, Please, Please» syner den 23 år gamle Brown med knust hjarte som inntrengande ber jenta si om ikkje å gå frå han. The Famous Flames song glatte vokalharmoniar bak den lidenskaplege vokalen til Brown.

«Please, Please, Please» nådde sjetteplassen på R&B-lista i USA, men gjorde det ikkje særleg godt hos pop-publikummet og nådde berre 105. plass på pop-lista. Eit album kalla opp etter songen vart gjeven ut seint i 1958 etter at Brown hadde fått ein ny R&B-hit med «Try Me».

I 1964 vart singelen gjeven ut på ny på King Records med publikum på eit lydspor for å skape kjensla av ei konsertinnspeling. Denne gongen nådde singelen 95. plass på Billboard Hot 100.

I 2004 vart «Please, Please, Please» rangert på 142. plass på lista til musikkmagasinet Rolling Stone over dei 500 største songane gjennom tidene.

Medverkande

• James Brown - solovokal

with The (Famous) Flames:

• Bobby Byrd - vokal
• Johnny Terry - vokal
• Sylvester Keels - vokal
• Nash Knox - vokal
• Nafloyd Scott - gitar

samt:

• Wilbert «Lee Diamond» Smith - tenorsaksofon
• Ray Felder - tenorsaksofon
• Lucas «Fats» Gonder - piano
• Clarence Mack - bass
• Edison Gore - trommer

Andre utgåver

«Please, Please, Please» er spelt inn av mange andre artistar, mellom andre Tina Turner og den britiske rockegruppa The Who på debutalbumet deira My Generation frå 1965.

Kjelder

• Denne artikkelen bygger på «Please, Please, Please» frå Wikipedia på engelsk, den 26. juni 2009.
  • Wikipedia på engelsk oppgav desse kjeldene:
  • Leeds, Alan M. og Harry Weinger (1991). Star Time: Song by Song. In Star Time (s. 46-53) [CD-omslag]. London: Polydor Records.
  • White, Cliff (1991). Discography. In Star Time (s. 54-59) [CD-omslag]. London: Polydor Records.

144:  «Purple Rain»  Prince

Plassering på lista til Rolling Stone frå 2010 over dei 500 beste songane gjennom tidene 143 «Please , Please, Please»  James Brown

142:  «All I Have to Do Is Dream»  The Everly Brothers