Rekveen

Gangaren Rekveen (6/8-takt) er ein slått som er nytta i Hordaland og Telemark. Slåtten har namn etter spelemannen Nils Rekve, som og har vore kjelde til han. Frå Hardanger er slåtten sidan blitt spreidd av andre spelemenn. Den vidare tradisjonen i Telemark følgjer Myllarguten, som henta slåtten i Hardanger. I dag er slåtten spela i fleire former i Krødsherad, Hardanger og Telemark.

Slåttekrinsen

Hardingfeleverket har katalogisert slåttekrinsen under nr 109, med fem variantar.

• a: Gangar frå Telemark, etter Ole Skogly, Krødsherad [1]. Nedskrift Truls Ørpen 1920 (Ø 105). Skogly hadde slåtten etter Torgeir Torgeirson, son av Myllarguten.

• b: Rekveen, etter Ola Ådnekvam, Masfjorden, Hordaland [2]. Nedskrift Arne Bjørndal 1940 (B 1505). Ådnekvam hadde slåtten etter far sin, Ola Ådnekvam.

• c: Rekveen, etter Ola Mosafinn, Voss [3]. Nedskrift Arne Bjørndal 1908 (B 601). Mosafinn hadde slåtten etter far sin, Sjurd Liland, som hadde han beint frå Nils Rekve. Slåtten er ofte kalla Rekverudlen.

• d: Rekveen, etter Halldor Meland, Kvam [4]. Nedskrift Eivind Groven 1937 etter minne (G 554) Forma var og nytta av Olav R. Berge. Meland hadde slåtten etter Ola Mosafinn, men bygde han noko ut.

• e: Nordbø nr 47, etter Gregar Nordbø, Bø i Telemark [5], Nedskrift Gregar Nordbø]]. Slåtten er truleg etter Hans Hansson Flatland, Bø. Nemnet på slåtten skuldast at nedskrifta har nr 47 i Nordbø si liste.