Riksantikvaren

Riksantikvaren
Type	Direktorat
Org.nummer	974 760 819
Skipa	1912
Hovudkontor	Schweigaards gate 28, Oslo
Riksantikvar	Hanna Geiran
Verkeområde	Noreg
Tilsette	147 (2013)
Eigarskap	Klima- og miljødepartementet
Nettstad	https://www.riksantikvaren.no

Riksantikvaren – direktoratet for kulturminneforvaltning er fagleg rådgjevar i utviklinga av den statlege kulturminnepolitikken, og arbeider for at viktige kulturminne, kulturmiljø og landskap blir tekne vare på. Direktoratet ligg under Klima- og miljødepartementet. Riksantikvaren har ansvar for at den statlege kulturminnepolitikken blir gjennomført og har eit overordna fagleg ansvar for fylkeskommunene og Sametingets arbeid med kulturminne, kulturmiljø og landskap.

Historie

Riksantikvaren vart skipa i 1912 som offentleg embete etter initiativ av Foreningen til norske Fortidsminnesmerkers Bevaring for å ha oppsyn med ivaretakinga og restaureringa av kunstnerisk og historisk verdfulle gamle bygningar som ikkje var underlagt eit museum. Då Harry Fett var riksantikvar, vart etaten bygd ut til eit vidfemnande institutt for vern og forsking. Riksantikvaren vart underlagd Miljøverndepartementet frå 1973, og fekk direktoratstatus i 1988.

Organisering

Biblioteket hjå Riksantikvaren.

Foto: Eva Eide

Direktoratet har om lag 147 tilsette, med kontor i Schweigaards gate 28 i Oslo. Det er òg distriktskontor i Bergen, Tønsberg og Trondheim.

Riksantikvaren har desse avdelingane:

• Organisasjonsavdeling
• Kulturminneavdeling
• Samfunnsavdeling
• Kommunikasjonseininga
• Analyse og statistikk eininga

Riksantikvaren har òg eit spesialbibliotek for kulturminnevern.

Riksantikvarens arkiv har mellom anna mange teikningar og fotografi som baserer seg på Fortidsminneforeinga si dokumentasjonsamling frå pionertida til kulturminnnevernet.

Oppgåver

Riksantikvaren har det overordna faglege ansvaret for kulutrminneforvaltninga og fungerer som rådgjevar for Klima-og miljødepartementet.

Kontorlokale til Riksantikvaren, Schweigaards gate 28, Oslo

Bevaringsprogrammer

Riksantikvaren har ti bevaringsprogam for å sikre, setje i stand og kartleggje tilstanden til kulturminne. Dei ti programma er:

• Freda bygningar i privat eige
• Samiske kulturminne
• Stavkyrkjene
• Verdsarven
• Tekniske og industrielle kulturminne
• Brannsikring av tette trehusmiljø og stavkyrkjer
• Fartøy
• Ruinar
• Bergkunst
• Utvalde arkeologiske kulturminne

Liste over riksantikvarar

• 1912–1913: Herman Major Schirmer
• 1913–1946: Harry Fett
• 1946–1958: Arne Nygård-Nilssen
• 1958–1977: Roar Hauglid
• 1978–1991: Stephan Tschudi-Madsen
• 1991–1997: Øivind Lunde
• 1997–2009: Nils Marstein
• 2009–2009: Sjur Helseth (konstituert frå 20. august til 22. oktober)
• 2009–2018: Jørn Holme
• 2018– : Hanna Geiran

Kjelder

• «Riksantikvaren» av Stephan Tschudi-Madsen i Store norske leksikon, snl.no.
• Riksantikvarens nettsider

Bakgrunnsstoff

• Offisiell nettstad