Romário de Souza

Frå Wikipedia – det frie oppslagsverket
Hopp til navigering Hopp til søk
Romário de Souza
Romario 2015.jpg
Romário de Souza i 2015
Fødd29. januar 1966
Rio de Janeiro
NasjonalitetBrasil
PartiDet brasilianske sosialistpartiet
Yrkefotballspelar, politikar, fotballtrenar
BarnRomário de Souza Faria Júnior

Romário de Souza Faria (fødd 29. januar 1966), kjend som Romário, er ein brasiliansk politikar og tidlegare fotballspelar, fødd i Rio de Janeiro. Han vart verdsmeister i fotball med Brasil sitt landslag under VM i fotball 1994.

Fotball[endre | endre wikiteksten]

Romário spelte på ei mengd klubbar i inn- og utland i tida 1985-2008. Lengst spelte han for nederlandske PSV Eindhoven, der han i tida 1988-93 skåra heile 98 mål på 109 seriekampar. Han slo gjennom for CR Vasco da Gama, ein klubb han representerte både i 1985 og i 2008. Elles spelte han for FC Barcelona frå 1993 til -95, og for Rio-klubbane Flamengo og Fluminense, i tillegg til fire utanlandske klubbar i fire ulike land.

Romário debuterte for Brasil i 1987 og spelte sin 71. og siste landskamp i 2005. Han skåra heile 55 landslagmål. Høgdepunktet kom då Romário var ein sentral spelar for Brasil under fotball-VM 1994 i USA, ein meisterskap som enda med at Brasil sikra seg sin fjerde VM-tittel i fotball.

Politikk[endre | endre wikiteksten]

I fireårsperioden 2011-15 representerte Romário de Souza delstaten Rio de Janeiro i det brasilianske nasjonalforsamlinga. Han vart vald inn for det brasilianske sosialistpartiet, Partido Socialista Brasileiro, og hadde sete i representanthuset. Ved valet i 2014 stilte han som kandidat til senatet og vart vald med overveldande margin. Han tok plass i det brasilianske sentatet 1. februar 2015.

Kjelder[endre | endre wikiteksten]