Samuel Honrubia
| Samuel Honrubia | |
|
| |
| Statsborgarskap | Frankrike |
| Fødd | 5. juli 1986 (37 år) Béziers |
| Idrett | handball |
| Tok del i | |
Samuel Honrubia (fødd 5. juli 1986) er ein fransk handballspelar frå Béziers. Perioden 2011-15 vann han to VM-gull, OL-gull og EM-gull med Frankrike sitt landslag i handball. Åra frå 2005 til 2016 vart han fransk seriemeister heile ti gongar, flest for Montpellier HB. Han spelar venstrekant, sidan 2021 aktiv for toppserie-laget Istres.
Landslagsspel[endre | endre wikiteksten]
Honrubia fekk sin landslagsdebut i 2009 og var med i mannskapa som gjekk til topps i Handball-VM 2011 i Sverige og som vann gull under Sommar-OL 2012 i London. I 2014 var han med å slå arrangørlandet Danmark i EM-finalen, året var han med om det same då Frankrike vann over arrangørlandet Qatar i VM-finalen. Fram til 2017 deltok han i 87 landskampar og skåra 194 mål.
Klubbspel[endre | endre wikiteksten]
Honrubia spelte på Montpellier frå 2004 til 2012. I desse åra var han med på å vinne den franske toppserien sju gongar og den nasjonale cupfinalen seks gongar. Deretter gjorde han i tida 2012–16 teneste i Paris Saint-Germain. Med laget frå den franske hovudstaden vart han tre gongar seriemeister og to gongar cupmeister. Sidan var han aktiv i fire ulike franske handball-lag.
Merittar[endre | endre wikiteksten]
- OL-gull: 2012 med Frankrike
- VM gull: 2011, 2015 med Frankrike
- EM-gull: 2014 med Frankrike
- Fransk seriemeister: 2005, 2006, 2008, 2009, 2010, 2011, 2012 for Montpellier, 2013, 2015, 2016 for PSG
- Fransk cupmeister: 2005, 2006, 2008, 2009, 2010, 2012 for Montpeller, 2014, 2015 for PSG
Kjelder[endre | endre wikiteksten]
- Denne artikkelen bygger på «Samuel Honrubia» frå Wikipedia på fransk, den 11. januar 2024.