Telenor

Frå Wikipedia – det frie oppslagsverket
Hopp til navigering Hopp til søk
Telenor
Telenor01.jpg
Telenor sitt hovudkontor
SelskapsformAksjeselskap
Org.nr.982463718
Skipa1855
BransjeTelekommunikasjon
ProduktTelefoni, breiband
LandNoreg
HovudkontorFornebu
StyreleiarGunn Wærsted
Adm.dir.Sigve Brekke
Tilsette27 600
Omsetnad91,077 mrd (2007)
Nettstadwww.telenor.no

Telenor (OSE: TEL) er eit norsk teleselskap, som vart skipa i 1855 som det statseigde Telegrafverket. Selskapet er i dag eit delprivatisert aksjeselskap med sjølvstendig forretningsverksemd innan mobiltelefontenester, fastnett for telefoni, breiband og internett, vidare TV-tenester via kabel, satellitt, fiber og kystradio i Noreg. Telenor har vore Noregs klart nest største konsern sidan fusjonen mellom Statoil og oljedivisjonen til Norsk Hydro.

Telenor har i alt kring 33 000 tilsette i 13 land utanom Russland og Ukraina, derav ca. 4 400 i Noreg. Dette inkluderer ikkje dei tilsette i VimpelCom, der Telenor er største eigar. Etter Akers sal av Aker Yards er Telenor Noregs største konsern målt etter sysselsetting. Statens eigardel i Telenor er 54 % gjennom Nærings- og handelsdepartementet, og 4 % gjennom Statens pensjonsfond – Innland (tidlegare Folketrygdfondet). Konsernsjefen i selskapet er Sigve Brekke.

Namnet «Telenor» vart innført i 1995, og avløyste «Televerket» (1969–2005), tidlegare «Telegrafverket» og «Telegrafvesenet».

Historie[endre | endre wikiteksten]

Telenor vart opphavleg stifta i 1855 som Telegrafverket, som opphavleg hadde oppgåva å knyte landsdelane saman ved telegraflinjer. Selskapet skifta namn til Televerket i 1969 og til Telenor i 1994, då verksemda vart omdanna til eit statleg aksjeselskap. Telenor hadde fram til 1998 monopol på teletenester til private kundar i Noreg. I desember 2000 vart Telenor børsnotert. Jon Fredrik Baksaas overtok stillinga som konsernsjef etter Tormod Hermansen 21. juni 2002.

Marknadsverdi[endre | endre wikiteksten]

22. mai 2006 hadde Telenor ein marknadsverdi på 125 milliardar kroner. Aksjar i selskapet vert handla på Oslo Børs under tickeren TEL.

Kjelder[endre | endre wikiteksten]

Bakgrunnsstoff[endre | endre wikiteksten]