Trampled Under Foot
| Trampled Under Foot Singel av Led Zeppelin frå albumet Physical Graffiti | ||
| B-side | ||
|---|---|---|
| Språk | engelsk | |
| Utgjeve | 2. april 1975 | |
| Innspelt | 1974 | |
| Sjanger | Hardrock, funkrock | |
| Lengd | 5:37 | |
| Selskap | Swan Song | |
| Komponist | Jimmy Page | |
| Låtskrivar(ar) | Jimmy Page, Robert Plant, John Paul Jones | |
| Produsent | Jimmy Page | |
| Led Zeppelin-kronologi | ||
| «D'yer Mak'er» / «The Crunge» (1973) |
Trampled Under Foot | «Candy Store Rock» / «Royal Orleans» (1976)
|
«Trampled Under Foot» er ein song av det engelske rockebandet Led Zeppelin, frå albumet Physical Graffiti frå 1975.
Oversyn[endre | endre wikiteksten]
Songen vart skriven av Robert Plant, Jimmy Page og John Paul Jones, og vart utvikla ut frå ein jam i 1972.[1] Teksten var inspirert av bluesartisten Robert Johnson sin «Terraplane Blues» frå 1936.[2] Ein Terraplane er ein klassisk bil, og songen nyttar bildelar som metaforar for sex, «pump your gas», «rev all night», osv.[3]
Mykje av innøvinga av songen gjekk ut på å gjere det harde funk-riffet som dominerer songen perfekt.[2] John Paul Jones har nemnd Stevie Wonder som inspirasjon for rytmen («Superstition», 1973), som han spelar på clavinet.[2][4] I lag med ein solid rytme frå Bonham, vart songen seinare remiksa og BBC-programmet Old Grey Whistle Test, synkroniserte songen med svart-kvitt-filmklipp av jenter som dansa. Gitarist Jimmy Page spelte wah-wah og som produsent nytta han baklengsekko på innspelinga.[2][5]
«Trampled Under Foot» vart ein standard under konsertane til Led Zeppelin frå 1975 og frametter, og vart spela på kvar turne fram til 1980.[2] Han vart òg spela på gjenforeiningskonserten til Led Zeppelin i O2 Arena i London den 10. desember 2007. Då songen vart spela live, strekte dei han ofte ut med lengre gitar- og klaversoloar og stundom la Plant til tekst frå songen «Gallows Pole».
I lag med «No Quarter» fekk Jones synt seg fram som ein dyktig klaverspelar på «Trampled Under Foot» under konsertane. Eit døme på dette frå Earls Court Arena i 1975 er gjeve ut på Led Zeppelin DVD.
«Trampled Under Foot» vart mykje spela på radio då han kom ut og singelen nådde 38. plass i USA.
Lovord[endre | endre wikiteksten]
| Publikasjon | Land | Lovord | År | Rangering |
|---|---|---|---|---|
| Melody Maker | Storbritannia | Årets song | 1975 | 2 |
| Radio Caroline | Storbritannia | Top 500 Tracks[6] | 1999 | 398 |
Medverkande[endre | endre wikiteksten]
- Robert Plant – vokal
- Jimmy Page – gitarar
- John Paul Jones – bassgitar, clavinet
- John Bonham – trommer
Andre versjonar[endre | endre wikiteksten]
- 1992: Michael Hall (Love Is Murder)
- 1997: The Honeymoon Killers (Sing Sing (1984–1994) [recorded 1984])
- 1999: Eric Gales (Whole Lotta Blues: Songs of Led Zeppelin)
- 2003: various artists (A Bluegrass Tribute: Pickin' on Led Zeppelin, Volume II)
- 2005: Hampton String Quartet (Take No Prisoners!)
- 2005: Tracy G (Hip Hop Tribute to Led Zeppelin)
- 2006: Greg Reeves & Eric Stock (Dub Tribute to Led Zeppelin)
- 2007: Vanilla Fudge (Out Through the in Door)
- 2007: Zepparella (A Pleasing Pounding)
- 2008: Chuck Bonnett (Misty Mountain Hop: A Millennium Tribute to Led Zeppelin)
Bakgrunnsstoff[endre | endre wikiteksten]
Kjelder[endre | endre wikiteksten]
- Denne artikkelen bygger på «Trampled Under Foot» frå Wikipedia på engelsk, den 26. mars 2011.
- Wikipedia på engelsk oppgav desse kjeldene:
- Lewis, Dave (2004) The Complete Guide to the Music of Led Zeppelin, ISBN 0-7119-3528-9
- Welch, Chris (1998) Led Zeppelin: Dazed and Confused: The Stories Behind Every Song, ISBN 1-56025-818-7
- Chick, Stevie (2006). Dimery, Robert, red. 1001 Albums You Must Hear Before You Die. Quintet Publishing Limited. ISBN 0-7893-1371-5.
- ↑ Godwin, Robert (2003), Led Zeppelin: The Press Reports, Collector's Guide Publishing, ISBN 1-896522-41-6 s. 321
- ↑ 2,0 2,1 2,2 2,3 2,4 Dave Lewis (1994), The Complete Guide to the Music of Led Zeppelin, Omnibus Press, ISBN 0-7119-3528-9.
- ↑ Trampled Underfoot av Led Zeppelin Songfacts
- ↑ Snow, Mat, “The Secret Life of a Superstar”, Mojo magazine, desember 2007.
- ↑ Steven Rosen, 1977 Jimmy Page Interview Arkivert 2011-01-05 ved Wayback Machine., Modern Guitars, 25 May 2007 (opphavleg juli 1977, i Guitar Player).
- ↑ «Top 500 Tracks – 1999». Radio Caroline. Henta 25. mars 2011.