Transneptunsk objekt

Dei åtte største kjende transneptunske-objekta samanlikna med jorda.

Transneptunske objekt (TNO-ar) er alle objekta i solsystemet som går i bane rundt sola med ein større snittavstand enn Neptun. Den transneptunske regionen vert delt inn i tre; rangert etter avstand frå sola er dei:

• Kuiperbeltet
• den spreidde skiva
• Oorts sky

Det første transneptunske objektet vart oppdaga i 1930 ved oppdaginga av Pluto. Med unntak av plutomånen Charon tok det 60 år før eit nytt transneptunsk objekt vart oppdaga. Sidan 1992 har fleire enn 1000 transneptunske objekt vortne oppdaga med ulike størrelsar og overflatesamansetnad.

Den største kjende TNO-en er Eris, som også er det fjernaste kjende objektet i solsystemet med ein avstand på 97 AE. Eris er også den ljosaste TNO-en og er klassifisert som eit spreidd skive-objekt. Eris har ein diameter på 2400 ± 100 km.