Tres Hombres

Tres Hombres Studioalbum av ZZ Top
Utgjeve	26. juli 1973
Studio	Brian Studios & Ardent Studios i Memphis i Tennessee
Sjanger	*Blues rock hardrock boogie rock Texas blues
Lengd	33:32
Selskap	London
Produsent	Bill Ham
ZZ Top-kronologi
Rio Grande Mud (1972)	Tres Hombres	Fandango! (1975)
Singlar frå Tres Hombres
«La Grange» Utgjeve: 1973

Tres Hombres (spansk for «tre menn») er det tredje studioalbumet til det amerikanske rockebandet ZZ Top. Det kom ut i juli 1973. Det var første gongen bandet arbeidde med Terry Manning som lydteknikar. Denne kombinasjonen vart ein suksess og albumet vart gjennombrotet for bandet. I USA gjekk albumet inn på topp 10, medan singelen «La Grange» nådde 41. plassen på singellista.

Remiksa versjon

Då ZZ Top var på sitt mest populære i midten av 1980-åra, vart ein digital, remiksa versjon av innspelinga gjeven ut på CD, og den originale miksen frå 1973 vart ikkje lenger gjeven ut. Denne remiksa versjonen skapte kontroversar blant fansen, fordi han i stor grad endra lyden på instrumenta, særleg trommene. Den remiksa versjonen vart nytta på alle tidlege CD-eksemplar og var den einaste tilgjengelege versjonen i over 20 år. Ei nymastra og utvida utgåve av albumet kom ut 28. februar 2006, med tre konsertopptak som bonusspor. Dette var den første CD-utgåva med den originale miksen frå 1973. Seinare utgjevinga på digitale plattformer som iTunes har òg nytta den originale miksen.

Mottaking

Albumet kom ut i juli 1973 til lunken mottaking. Steve Apple skreiv i september 1973 for Rolling Stone at sjølv om «Southern rock & roll » var blitt populær, var ZZ Top berre «eitt av fleire kompetente Southern rock-band», men dei hadde ein «fordel over dei fleste kvite rockeartistane» fordi dei høyrdest «svarte ut».

Ettermæle

I 2003 vart albumet rangert på 498. plassen på lista til Rolling Stone over dei 500 beste albuma gjennom tidene. I 2012 vart albumet rangert på 490. plassen på ei revidert liste. Albumet nådde åttandeplassen på Billboard 200.

Singlar

Den einaste singelen frå albumet var «La Grange» (med «Just Got Paid» frå det andre albumet til bandet, Rio Grande Mud) som nådde 41. plassen på Billboard Hot 100.

Innhald

Side ein

Nr.	Tittel	Låtskrivar(ar)	Lengd
1.	«Waitin' for the Bus»	Billy Gibbons, Dusty Hill	2:59
2.	«Jesus Just Left Chicago»	Gibbons, Hill, Frank Beard	3:30
3.	«Beer Drinkers & Hell Raisers»	Gibbons, Hill, Beard	3:23
4.	«Master of Sparks»	Gibbons	3:33
5.	«Hot, Blue and Righteous»	Gibbons	3:14

Side to

Nr.	Tittel	Låtskrivar(ar)	Lengd
6.	«Move Me on Down the Line»	Gibbons, Hill	2:32
7.	«Precious and Grace»	Gibbons, Hill, Beard	3:09
8.	«La Grange»	Gibbons, Hill, Beard	3:52
9.	«Shiek»	Gibbons, Hill	4:05
10.	«Have You Heard?»	Gibbons, Hill	3:15

Bonusspor på 2006-utgåva

Nr.	Tittel	Låtskrivar(ar)	Lengd
11.	«Waitin' for the Bus» (live)	Gibbons, Hill	2:42
12.	«Jesus Just Left Chicago» (live)	Gibbons, Hill, Beard	4:03
13.	«La Grange» (live)	Gibbons, Hill, Beard	4:44

Medverkande

• Billy Gibbons – gitar, vokal
• Dusty Hill – bassgitar, korvokal, andre solovokal på «Beer Drinkers and Hell Raisers»
• Frank Beard – trommer, perkusjon

Produksjon

• Bill Ham – produsent
• Robin Brian – lydteknikar (Brian Studios)
• Terry Manning – lydteknikar, miksing, redigering (Ardent Studios)
• Bill Narum – design av plateomslag
• Galen Scott – fotografi

Salslister

Album

År	Liste	Plassering
1974	Billboard Pop Albums	8

Singlar

År	Singel	Liste	Plassering
1974	«La Grange»	Billboard Pop Singles	41 (Also debuted #33 on American Top 40. juni 29, 1974)

Kjelder

• Denne artikkelen bygger på «Tres Hombres» frå Wikipedia på engelsk, den 30. september 2018.
  • Wikipedia på engelsk oppgav desse kjeldene:

491:  Born Under a Bad Sign  Albert King

Plassering på lista til Rolling Stone frå 2012 over dei 500 beste albuma gjennom tidene 490 Tres Hombres  Zz Top

489:  Destroyer  Kiss