Troll Airfield
| Troll Airfield | |||
 | |||
| IATA | QAT  | ||
|---|---|---|---|
| ICAO | ENOE | ||
| Operatør | Norsk Polarinstitutt | ||
| Tener | Troll-stasjonen | ||
| Stad | Antarktis traktat-område | ||
| Opna | 2005 | ||
| Høgd | 1 232 meter | ||
| Koordinatar | 71°57′26″S 2°28′0″E | ||
Troll Airfield er ein flyplass som ligg rundt sju kilometer frå den norske feltstasjonen Troll i Antarktis. Flyplassen blei bygd på iskappa og opna for trafikk i februar 2005. Han blir brukt til transport av personell og utstyr i samband med forsking i området.
Norsk polarinstitutt inviterte elleve land som opererte i Dronning Maud Land til samarbeid om Dronning Maud Land Air Network Project (DROMLAN). Troll Airfield er ein del av luftnettverket saman med Cape Town i Sør-Afrika og den russiske forskingsstasjonen Novolazarevskaja nordaust for Troll. Passasjerar blir flogne inn frå fastlandet og så transporterte med mindre fly vidare til dei endelege reisemåla sine.
Flyplassen viste seg å vera populær sidan han bidrog til å senka kostnadene i samband med forsking i Antarktis. C-130 Hercules og liknande fly har regulære flygingar. Rullebanen avgrensar ikkje storleiken på besøkande fly. Troll Airfield er berre open for trafikk i samband med forsking. Det finst ingen tenester for kommersiell trafikk.[1] Flyplassen er open frå oktober til februar i den antarktiske sommarsesongen. 28. november 2012 landa det for første gong eit Boeing 737-fly på Troll. Flyet transporterte 33 personar og vende tilbake til Cape Town dagen etter.[2]
Kjelder[endre | endre wikiteksten]
- ↑ «Antarktis, Troll Runway». Norske Flyplasser. Arkivert frå originalen 27. september 2007. Henta 23. mai 2010.
- ↑ Vinje Jenssen, Elin. "Satser på økt sikkerhet og mer miljøvennlig flytransport" Norsk Polarinstitutt, December 03, 2012. Retrieved: April 1, 2014.
- Denne artikkelen bygger på «Troll Airfield» frå Wikipedia på bokmål, den 13. desember 2022.
Bakgrunnsstoff[endre | endre wikiteksten]
- Troll Airfield på norskeflyplasser.no (arkivert nettside)