Bokkoen

Bokkoen er ein springar som har vore nytta i dei austre delane av Telemark, og er knytt til Tinn. Namnet på slåtten er knytt til spelemannen Øystein Bokko frå Tinn, som og skal ha vore kjelda til slåtten. Slåtten var og nytta av Olav Napper frå Fyresdal, og det er skrive ned ein variant etter Nils Brakvatn frå Nordhordland. Alt tyder på at slåtten har vore kjend sidan 1700-talet.

Variantgruppa

Slåtten har nr 486 i hardingfeleverket, og gruppa har fem variantar, fire frå Telemark og ein frå Hordaland.

• a: Bokkoen, etter Torkjell Haugerud, Bø i Telemark. Nedskrift Eivind Groven 1961 (G 1360, NRK magn. 595).

• b: Bokkospringar, etter Kjetil Løndal, Tuddal. Nedskrift Eivind Groven 1956 (G 1129. Denne forma er og funnen hjå Gjermund Haugen. Kjetil Løndal spela slåtten på Festspela i Bergen i 1956. Nedskrifta er gjort frå opptaket NRK gjorde.

• c: Bokkospringar, etter Johannes Dale, Tinn. Nedskrift Eivind Groven 1961 (G 1341, NRK magn. 1982).

• d: Naperspringar, etter Kjetil Løndal, Tuddal. Nedskrift Eivind Groven 1963 (G 1497). Løndal lærte slåtten av Torstein Grotbekk frå Heddal. Han kalla slåtten Treskreppa, men denne nemninga høyrer til ein annan slått. Løndals namn er knytt til Olav Napper frå Fyresdal.

• e: Springar, etter Nils Brakvatn, Hamre, Nordhordland. Nedskrift Arne Bjørndal 1934 (B 1578). Brakvatn lærte slåtten av Arne Høyland, Hosanger. Han skreiv sjølv ned melodien, og Bjørndal reinskreiv nota for hardingfele seinare.

.