Cumulus congestus pileus

Frå Wikipedia – det frie oppslagsverket
Gå til: navigering, søk
Cumulonimbus med pileus

Ein pileus (Latin for kappe) eller kappesky er ei horisontal sky som kan oppstå over godt utvikla cumulusskyer, vanlegvis cumulus congestus eller cumulonimbus calvus, og får det til å sjå ut som om cumulusskya har ei «hette» eller «kappe». Desse skyene endrar raskt form. Dei oppstår ved at kraftig vertikal luftstraum, gjerne 30-50 km/t, fører fuktig luft raskt oppover, og får lufta til å kondensere. Dermed er dei vanlegvis eit teikn på at cumulusskya er i ferd med å utvikle seg til ei fullt utvikla cumulonimbussky pga av dei kraftige vertikale rørslene i skya. Dei kan òg vere eit teikn på at torevêr er i vente.

Skyene som får desse kappeskyene over seg, blir gjerne kalla «-sky med kappe» eller «-sky med pileus», til dømes «ei cumulonimbussky med pileus».

Referansar[endre | endre wikiteksten]