Den 17de Mai
Den 17de Mai var namnet på ei norsk avis i tida 1894 til 1935. Bladet var oppkalla etter den norske grunnlovsdagen 17. mai. Avisa hadde undertittelen «Norskt Folkeblad». I 1935 skifta avisa namn til «Norsk Tidend». Landsmål var hovudmål i avisa, avisa er difor vorte kalla ei «målavis» eller «norskdomsblad».
Tysdag 9. januar i 1894 kom fyrste utgåva av Den 17de Mai. Arne Garborg og Rasmus Steinsvik gjorde opptak til bladet. Hulda Garborg døypte bladet, og Arne Garborg vart med i bladstova (redaksjonen). Dei same personane var òg knytt til Fedraheimen.
Den 17de Mai kom i fyrstninga ut «kver tirsdag, thorsdag og laurdag» og kosta kr. 1,10 «fjordungaaret» (kvartalet), kr. 6,10 til Amerika, «send 1 gong um vika». I 1910 var bladet mellom dei med mest tingarar i heile landet. Frå 1914 kom bladet ut dagleg. Slik fekk ein eit dagleg nynorsk riksorgan.
Bladstyrarar (redaktørar)[endre | endre wikiteksten]
- Rasmus Olai Steinsvik frå 1893 til han døydde i 1913.
- Andreas Haavoll frå 1913 til 1917
Litteratur[endre | endre wikiteksten]
- Dalhaug, Ole: Den 17de mai : Rasmus Steinsvik 1863-1913, 1997.
- Gausemel, Steffen: Rasmus Steinsvik, hovudoppgåve i norsk. Universitetet i Oslo 1937.