Donets

Frå Wikipedia – det frie oppslagsverket

Donets
Svjatokhirsk kloster ved Donets i Ukraina
Utspring	Det sentralrussiske høglandet
- Høgd	200 moh
Munning	Don
- Høgd	5,5 moh
Land i nedslagsfelt	Russland Ukraina
Lengd	1053 km
Middelvassføring	200 m³/s
Nedslagsfelt	98 900 km²

Donets, Severskij Donets (russisk Северский Донец) eller Siverskij Donets (ukrainsk Сіверський Донець) er ei elv i Russland og Ukraina og ei av sideelvane til Don frå høgre.

Ho spring ut frå Det sentralrussiske høglandet, nord for Belgorod, og renn søraustover gjennom Ukraina (gjennom Kharkiv, Donetsk og Luhansk oblast) og så inn att i Russland der ho munnar ut i Don i Rostov oblast nedanfor Konstantinovsk, om lag 100 km frå Azovhavet. Donets har ei total lengd på 1053 km.

Dei nedre delane av elva kan nyttast til skipsfart, og vassvegen er ei viktig transportåre i nedslagsfeltet hennar (Donbas), eit område med mykje kolgruvedrift og tungindustri.

Av byar langs Donets finn ein frå kjelda til munningen:

• Belgorod (Russland)
• Vovtsjansk (Ukraina)
• Tsjukhujiv (Ukraina)
• Zmiiv (Ukraina)
• Izium (Ukraina)
• Rubizjne (Ukraina)
• Lysytsjansk (Ukraina)
• Sieverodonetsk (Ukraina)
• Kamensk-Sjakhtinskij (Russland)
• Ust-Donetskij (Russland)

[endre] Bakgrunnsstoff

[endre] Kjelder